ދަނޑުވެރިކަމުގެ ބޭނުމަށް ގދ.ކަންނިގިއްލާ ކުއްޔަށް ދޫކުރަން ހުޅުވާލައިފިއެވެ.

ގދ.ހޯނޑެއްދޫ ކައުންސިލްގެ އިދާރާއިން ގެޒެޓްކުރި އިއުލާނެއްގައި ބުނީ، ބޮޑުމިނުގައި 430,000 އަކަފޫޓު ހުންނަ ކަންނިގިއްލާގައި ދަނޑުވެރިކަމުގެ އިތުރުން، ދިރޭތަކެތި ގެންގުޅުމާއި މެރިކަލްޗާގެ މަސައްކަތް ވެސް ކުރެވޭނެ ކަމަަށެވެ.

ހޯނޑެއްދޫ ކައުންސިލުން ބުނި ގޮތުގައި، މިކަމުގެ އަމާޒަކީ މި މަޝްރޫއުގެ ސަބަބުން އެ ސަރަަހައްދުގެ ދަނޑުވެރިކަން ކުރި އަރައި، ކާބޯތަކެތި އުފެއްދުމާއި، އިގްތިސާދީ ކުރިއެރުންތައް ހޯދުމެވެ.

Advertisement

ރާއްޖެއިން ބޭރުގެ އިންވެސްޓަރުންނަށްވެސް މި ފުރުސަތު ހުޅުވާލާފައިވާއިރު، މިކަމަށް ޝައުގުވެރިވާ ފަރާތްތަކުން އަންނަ މަހުގެ 10 ގެ ކުރިން އީއައިއޯ ހުށަހެޅުމަށް ހޯނޑެއްދޫ ކައުންސިލުން ވަނީ ހުޅުވާލާފައެވެ.

ހޯނޑެއްދުއާއި މަޑަވެއްޔާ ދެމެދުގައި އޮންނަ މި ރަށަކީ 2012 ވަނަ އަހަރު ކުރީގެ ރައީސް ޑރ. މުހައްމަދު ވަހީދު ހަސަންގެ ވެރިކަމުގައި ރިސޯޓު ތަރައްގީކުރަން ނިންމި ރަށްތަކުގެ ތެރެއިން ރަށެއްކަން ފާހަގަކޮށްލަން ޖެހެއެވެ.