ރާއްޖެ އަށް 2 ކިލޯ ގެ މަސްތުވާތަކެތި އެތެރެކުރަން މަސައްކަތްކުރި އިންޑިއާގެ ދެމަފިރިންގެ ބަންދުގެ އަނެއްކާވެސް މުއްދަތު އިތުރުކޮށްފިއެވެ.
މިކަމާއި ގުޅިގެން މީގެކުރިން ކަސްޓަމްސްއިން ހާމަކުރި ގޮތުގައި، އެތަކެތި އަތުލައިގަތީ، މެލޭޝިއާއިން ރާއްޖެއައި އިންޑިއާގެ 41 އަހަރުގެ ފިރިހެނަކާއ،ި 38 އަހަރުގެ އަންހެނެއްގެ ލަގެޖުގައި މަސްތުވާތަކެތި ރައްކާކޮށްގެން ގެނެސްފައިވާ ކަމަށް ޝައްކުކުރެވުމާއި ގުޅިގެން އެ ދެ މީހުންގެ ލަގެޖް ބަލައިފާސްކުރުމުގެ ތެރޭގައި ކަމަށެވެ.
މި ދެމީހުންގެ ލަގެޖުން މަސްތުވާތަކެތި ކަމަށް ޝައްކު ކުރެވޭ ތަކެތި ފެނުމުން، އެ ތަކެތި ފުރަތަމަ މަރުހަލާގައި ކަސްޓަމްސްއިން ތަހުލީލުކުރިއިރު ހެރޮއިންއަށް ޕޮޒިޓިވް ވެފައި ވާކަމަށް ކަސްޓަމްސް އިން ހާމަކުރެއެވެ.
ކަސްޓަމްސް އިން ބުނީ، މިތަކެތީގެ ބަރުދަނުގައި ޕެކިންއާއެކު 2.05 ކިލޯ ހުރި ކަމަށާއި މިތަކެތީގެ މަގުމަތީ އަގަކީ 2.05 މިލިއަން ރުފިޔާކަމަށް ލަފާކުރެވޭކަމަށެވެ.
އެއާއިއެކު، އެ މައްސަލަ އިތުރަށް ތަހުގީގު ކުރުމަށްޓަކައި އެ މަސްތުވާތަކެއްޗާއި ދެ ފަސިންޖަރުން ފުލުހުންނާ ހަވާލުކޮށްފައިވާ ކަމަށް ކަސްޓަމސް އިން ބުނެފައިވާއިރު، މިދިޔަ ބުދަ ދުވަހު އެ ދެ މީހުންގެ ކްރިމިނަލް ކޯޓަށް ހާޒިރުކުރުމުން ދެ މީހުން ވެސް ތިން ދުވަހަށް ބަންދުކުރުމަށް ވަނީ އަމުރުކޮށްފައެވެ.
އޭގެ ފަހުންވެސް އެމީހުންގެ ބަންދުގެ މުއްދަތު އިތުރުކުރިއިރު، އެންމެ ފަހުން ކޯޓުން ވަނީ އެމީހުން 9 ދުވަހަށް ބަންދުކުރުމަށް އަމުރުކޮށްފައެވެ.
Advertisement
This content is created and paid for by advertisers and does not involve Voice Journalists
