އީރާނުގެ ސަރަހައްދުތަކަށް ހަމަލާ ދެމުން އަންނަ އިސްރާއީލާއި، އެޤައުމަށް ވާގިވެރިޔާ ފައުޖުތަކަށް ބަދަލުގައި ހަމަލާތައް ދޭނޭކަމުގެ ޔަގީންކަން އިރާނުގެ ރޫހާނީ ލީޑަރު އާޔަތުﷲ އަލީ ހާމަނާއީ ދެއްވައިފިއެވެ.
އީރާނުގެ ތެހެރާނުގައި ކިޔަވާކުދިންނާއެކު ބޭއްވެވި ބައްދަލުވުމެއްގައި ވާހަކަދައްކަވަމުން ހާމަނާއީ ވިދާޅުވީ، އީރާނަށް ހަމަލާ ދީފިނަމަ އެކަމުގެ ބަދަލު ހިފުމުގެ ގޮތުން އެޤައުމުން ހަމަލާ ނުދޫ ނުހުންނާނޭ ކަމަށެވެ. ހާމަނާއީ ވިދާޅުވީ، ހިޒްބުﷲ އާއި ހަމާސްގެ ޖަމާއަތަށް ހަމަލާދޭ ނިރުބަވެރިންނާ ދެކޮޅަށް އީރާނުން ހަމަލާ ދޭނޭ ކަމަށެވެ.
ހާމަނާއީ ވިދާޅުވީ އީރާނާއި އެޤައުމުގެ ބައިވެރިންނަށް އިސްރާއީލާއި އެމެރިކާ ގުޅިގެން ދެމުންދާ ހަމަލާތަކުގެ ބަދަލު ހިފާނޭކަން ދަންނަން ޖެހޭނޭ ކަމަށެވެ.
އީރާނުގެ ބައެއް މީޑިއާތައް ބުނާގޮތުގައި އެޤައުމުގެ އަސްކަރިއްޔާއިން ދަނީ އިސްރާއީލާ ކުރިމަތިލުމަށް ތައްޔާރުވަމުންނެވެ. އެގޮތުން އީރާނުން ވަނީ ވަރަށްފަހުން ރަޝިއާގެ ހަނގުރާމަމަތީ ޖެޓްތައް ބޭނުންކުރުމުގެ ލައިސަންސްވެސް ހޯދާފައެވެ.
Advertisement
This content is created and paid for by advertisers and does not involve Voice Journalists
