ސިފައިން އެއްޖަމާޢަތެއްގައި ކުރެވުނު ފަތިސް ނަމާދުން މިއަހަރުގެ ނަޞްރުގެ ދުވަހުގެ ހަރަކާތްތައް ފަށައިފިއެވެ.

އިސްލާމީ މަރުކަޒުގައި އެއް ޖަމާޢަތުގައި ކުރެވުނު ފަތިސް ނަމާދުގައި ޢިއްޒަތްތެރި ރައީސުލްޖުމްހޫރިއްޔާ އަދި ސިފައިންގެ އެންމެ މަތީވެރިޔާ، ޑރ.މުޙައްމަދު މުޢިއްޒު ބައިވެރިވެޑައިގެންނެވިއެވެ.

ރައީސް ޑރ.މުޢިއްޒުގެ އިތުރުން، ނައިބު ރައީސް ހުސެއިން މުހައްމަދު ލަތީފް އާއި ޑިފެންސް މިނިސްޓަރު މުހައްމަދު ގައްސާން މައުމޫން އާއި ޖެނެރަލް އޮފިސަރުންނާއި، އޮފިސަރުންގެ އިތުރުން ގިނަ އަދަދެއްގެ ސިފައިންނާއި އާންމުން ބައިވެރިވެފައިވާކަން ފާހަގަކޮށްލަން ޖެހެއެވެ.

މިއަދު ޖަމާއަތުގައި ކުރެވުނު ފަތިސް ނަމާދު-- ފޮޓޯ: ރައީސް އޮފީސް

ފަތިސް ނަމާދަށް ފަހު ނަޞްރުގެ ދުވަހާ ގުޅޭ ޚާއްޞަ ދުޢާއެއް ކުރުން އޮތެވެ.

އެމްއެންޑީއެފުން މައުލޫމާތު ދިން ގޮތުގައި، ސިފައިންގެ ހުރިހާ އޭރިއާ ކޮމާންޑުތަކެއްގައި ވެސް ނަޞްރުގެ ދުވަސް ފާހަގަކުރުމުގެ ގޮތުން އެއް ޖަމާޢަތެއްގައި ފަތިސް ނަމާދުކޮށްފައިވެއެވެ.