އެލައިޑު އިންޝުއަރެންސް އިން ކޭޝްލެސް ޚިދުމަތް އަލުން ދޭން ފަށައިފި އެވެ.
ޕްރައިވެޓް އިންޝުއަރެންސެއް އޮތް ނަމަ އެ އިންޝުއަރެންސްގެ ލިމިޓް ހަމަވުމުން ނޫން ގޮތަކަށް އާސަންދަ ދޫނުކުރަން ނިންމި ނިންމި ނިންމުމާ ގުޅިގެން، އެލައިޑުންވަނީ ކޭޝްލެސް ސާވިސް އިއްޔެ މެދުކަނޑާލާފައެވެ.
އެހެން ހެދުމުން އަމިއްލަ އިންޝުއަރެންސެއް އޮތް ނަމަ، ކަން ކުރަންޖެހޭ ގޮތަކީ ހިދުމަތް ހޯދާ މީހާގެ އަތުން އޭގެ ފުރިހަމަ އަގު ދައްކައި، ފަރުވާ ހޯދަން ހޭދަކުރި ބިލް، އެ މީހާ އިންޝުއަރެންސް ކުންފުންޏަށް ހުށަހެޅުމެވެ. އެ ހުށަހެޅުމުން ކުމްފުނިން ފައިސާ ދެނީއެވެ.
އެހެން ނަމަވެސް ރޭގެ ވަގުތެއްގައި އެލައިޑުން ސިއްހީ ހިދުމަތްދޭ ތަންތަނަށް ފޮނުވި އީމެއިލަކުން ވަނީ ކޭޝްލެސް ޚިދުމަތް އަލުންދޭން ފަށާފައިވާކަން އަންގާފަ އެވެ.
އެގޮތުން އެލައިޑުން ފޮނުވި މެއިލްގައި ބުނީ އައުޓްޕޭޝަންޓް ހިދުމަތް ހޯދާ މީހެއްގެ ލިމިޓް ހަމަވަންދެން ކޭޝްލެސް ކޮށް ހިިދުމަތް ދިނުމަށް މިހާރު ނިންމާފައިވާ ކަމަށެވެ.
އެހެންވެ، އެ ބަލިމީހަކު "އައުޓްޕޭޝަންޓް" ގެ ހިދުމަތް ދޭ ތަނަކުން ސީދާ ބިލްތައް އެލައިޑަށް މިހާރު ފޮނުވޭނެ ކަމަށެވެ.
Advertisement
This content is created and paid for by advertisers and does not involve Voice Journalists
