ކުރިއަށް އޮތް 2025 ވަނަ އަހަރަކީ ދިވެހިރާއްޖޭގެ އިސްލާމީ ޔުނިވަރސިޓީ (އައިޔޫއެމް) އަށް ފާގަތި އަހަރަކަށްވެގެންދާނެކަމަށް އިސްލާމީ ކަންތައްތަކާއި ބެހޭ ވަޒީރު ޑރ.މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.
މިފަދައިން ވަޒީރު ޝަހީމް ވިދާޅުވީ، އައިޔޫއެމްގެ ކުއްލިއްޔާ އޮފް ގުރްއާން އެންޑް ސުންނާގެ ފަރާތުން އިންތިޒާމުކޮށްގެން ބާއްވާ "މަހްފަލުލް ގުރްއާނިލް ކަރީމް 1446″ ގެ ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
މިގޮތުން ޝަހީމް ވިދާޅުވީ، އެ ޔުނިވާސިޓީ އިތުރު ހަރުފަތަކަށް ގެންދިއުމުގެ މަސައްކަތްތަކެއް ސަރުކާރުން އަންނަ އަހަރު ފަށާނެ ކަމަށެވެ.
"އަޅުގަނޑުމެންގެ ރައީސް ޑރ. މުހައްމަދު މުއިއްޒުގެ އަމާޒަކީ ދިވެހިރާއްޖޭގެ އިސްލާމީ ޖާމިޔާއަކީ ދިވެހިރާއްޖޭގެ ދަރިންނަށް އެކަންޏެއް ނޫން. މި ސަރަހައްދުގެ މުސްލިމް އެހެން ޒުވާނުންނަށްވެސް ތައުލީމު ހާސިލްކުރާނެ މަރުކަޒަކަށް މި ޖާމިޔާވެގެން ދިއުން"
ވަޒީރު ޝަހީމް ވިދާޅުވިއެވެ.
ޝަހީމް ވިދާޅުވީ އައިޔޫއެމްގެ މާޒީއަށް ބަލާލާއިރު، ރާއްޖޭގެ އެކި ކަންކޮޅުތަކުގައި ކީރިތި ގުރުއާންގެ އިލްމު ފެތުރުމަށް ވަރަށް ގިނަ މަސައްކަތްތަކެއް ކުރެވިފައިވާ ކަމަށާއި، އެކަމުގެ ނަތީޖާ މިހާރު ފެންނަމުންދާ ކަމަށެވެ.
މީގެ އިތުރުންވެސް ވަޒީރު ޝަހީމް ވަނީ ކީރިތި ގުރުއާންގެ އިލްމު ފެތުރުމަށްޓަކައި އައިޔޫއެމް އިން ކުރަމުންދާ މަސައްކަތްތަކުގެ އަގުވަޒަންކުރައްވައި، އެ މަސައްކަތުގައި އިސްލާމީ ކަންތައްތަކާއި ބެހޭ ވުޒާރާގެ އެއްބާރުލުން ލިބޭނެކަމުގެ ޔަގީންކަން ދެއްވާފައެވެ.
Advertisement
This content is created and paid for by advertisers and does not involve Voice Journalists
