ވެރިކަން ކުރާ ޕާޓީ، ޕީއެންސީގެ އެތެރޭގެ އިންތިޚާބުގައި، ހުޅުމާލެ ދެކުނު ދާއިރާގެ ރައީސްަ ކަމަށް، ވާދަކުރާ ޝާނީޒް ހާޝިމް (ޝާންކޮ) އެ ދާއިރާގެ ޒުވާނުންގެ ރައީސް ކަމަށް ވާދަކުރާ އަހްމީޒަށް ތާއީދު ކޮށްފިއެވެ.

ޕީއެންސީ އެތެރޭގެ އިންތިޚާބު މިމަހު 23 ވާ ހޮނިހިރު ދުވަހު ބާއްވާއިރު، އެ އިންތިޚާބުގައި، ހުޅުމާލެ ދެކުނު ދާއިރާގެ ޒުވާނުންގެ ރައީސް ކަމަށް ވާދަކުރާ އަހްމީޒްގެ ކެންޑިޑޭޓް ނަންބަރަކީ 2 އެވެ.

އެޗްޑީސީގެ އިވެންޓް މެނޭޖަރ މަޤާމު އަދާކުރަމުން ގެންދާ އަހްމީޒަކީ ރިޔާސީ އިންތިޚާބާއި، މަޖިލިސް އިންތިޚާބުގެ ކެންޕެއިން ތެރެއިންވެސް ޕީއެންސީގެ ކެންޕެއިންގެ ކަންކަމުގައި ހުޅުމާލޭގައި ހަރަކާތްތައް އިންތިޒާމްކުރުމާއި، ރޭވުމުގައި އިސްކޮށް ހަރަކާތްތެރިވެފައިވާ ފަރާތެކެވެ.

މި އިންތިޚާބުގަައި ޕީއެންސީން އިންތިހާބުކުރާ މަގާމުތަކަކީ:

1) ދާއިރާގެ ރައީސުން/ނައިބު ރައިސުން 

2) ޒުވާނުންގެ ހަރަކާތުގެ ރައީސުން 

3) އަންހެނުންގެ ހަރަކާތުގެ ރައީސުން 

4) ސްޓިއަރިން ކޮމިޓީ މެންބަރުން

މީގެ ތެރެއިން ސްޓިއަރިން ކޮމިޓީ އަށް އިންތިހާބުކުރާ މެމްބަރުންނަކީ އާއްމު ކޮމިޓީގެ މެމްބަރު، ޒުވާނުންގެ މެމްބަރު އަދި އަންހެނުންގެ މެމްބަރެވެ.