އަދުގެ ސަރުކާރުން މަސްވެރިންނަށް ދޫކުރަން ބުނި ފައިސާ ވާނީ އަދާކޮށް ނިންމާފައިވާކަމަށް މަސްވެރިކަމާއި ކަނޑުގެ ވަޞީލަތްތަކާބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.
ރައީސް އޮފީޙުގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޝިޔާމް ވިދާޅުވީ، މި ސަރުކާރުން މަސްވެރިންނަށް ދޫކުރަން ބުނި ފައިސާ، މިދިޔަ އޮކްޓޯބަރުމަހުގެ 27 ނިޔަލަށް ދޫކޮށް ނިންމާފައިވާކަމަށެވެ. މިނިސްޓަރު ވިދާޅުވީ މި ސަރުކާރު ވެރިކަމާ ހަވާލުވުމަށްފަހު އޮކްޓޯބަރުމަހުގެ 27 ވަނަ ދުވަހުގެ ނިޔަލަށް 1.04 ބިލިއަން ރުފިޔާ މަސްވެރިންނަށް ދޫކޮށްފައިވާކަމަށެވެ.
ސަރުކާރުން މަސްވެރިންނަށް ވީ ވައުދާ އެއްގޮތަށް ކަންކަން ކުރަމުންގެންދާނޭކަމަށާއި، އެކަން މިހާތަނަށް ފެނިގެންގޮސްފައިވާކަން މިނިސްޓަރު ފާހަގަކުރެއްވިއެވެ.
މިނިސްޓަރު ޝިޔާމް ވިދާޅުވީ، މަސްވެރިކަމުގެ ސިނާއަތަކީ ރާއްޖޭގެ ސިނާއަތްތަކުގެ ތެރެއިން އެންމެ ގޮންޖެހުން ބޮޑު ސިނާއަތް ކަމަށެވެ. އެންމެބޮޑު އެއް މައްސަލައަކީ މަސްދޯނިފަހަރު ތަރައްޤީވެގެން އާއިރު، މަސްވެރިކަމުގެ ވަސީލަތްތައް ތަރައްޤީވެފައި ނެތުންކަން މިނިސްޓަރު ވިދާޅުވިއެވެ.
މަސްވެރިކަން ތަރައްޤީކުރުމަށް ކުރަމުންގެންދާ މަސައްކަތްތަކުގެ ދަށުން މަސް ފިނިކޮށް ރައްކާކުރެވޭ ކެޕޭސިޓީ އިތުރުކުރުމުގެ މަސައްކަތްތައް ކުރިއަށްދާކަމަށް މިނިސްޓަރު ވަނީ ވިދާޅުވެފައި މިގޮތުން ކުރެވޭ މަސައްކަތްތަކާއެކު، 4،250 ޓަނަށް މަސް ރައްކާކުރުމުގެ ކެޕޭސިޓީ އިތުރުވެގެންދާނޭކަން މިނިސްޓަރު ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
