ސަރުކާރުން ކުރިއަށްދާނީ ރައްޔިތުންގެ ފަޅީގައި އޮވެ، ރައްޔިތުންނަށް ފާގަތިކަން ހޯދައިދޭންކަމަށް، ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ރައީސް ޑރ.މުއިއްޒު ވިދާޅުވީ، މި ސަރުކާރު ކުރިޔަށްދާނީ ރައްޔިތުންގެ ފަޅީގައި އޮވެ ހުރިހާ ރައްޔިތުންނަށް އިންސާފުވެރިކަމާއެކު ތަނަވަސްކަން ހޯދައިދިނުމަށް ކަމަށެވެ.
ރައީސް ވިދާޅުވީ، ތަނަވަސްކަން ނެތް ރައްޔިތުންނަށް ފައިދާއެއް ވާން ނޭދޭ ސިޔާސީ ވެރީން ރައްޔިތުންނަށް ވަރަށް ސާފު ވާތަން ކުރިޔަށް އޮތް ތާނގައި އިތުރަށް ފެންނާނެ ކަމަށެވެ.
ސަރުކާރުން ކުރިއަށްދާނީ ރައްޔިތުންގެ ފަޅީގައި ކަމަށް ވިދާޅުވެ، ރައީސް އެކްސްގައި ޕޯސްޓެއް ކުރައްވާފައިމިވަނީ އިދިކޮޅު ބައެއް ފަރާތްތަކުން ސަރުކާރުގެ ސިޔާސަތްތަކަށް ފާޑުކިޔަމުން ދަނިކޮށެވެ.
މިގޮތުން އަންނަ އަހަރުގެ ބަޖެޓްގައި އާސަންދަ އާއި ސަބްސިޑީ ދިނުމަށް ސަރުކާރުން ގެންގުޅޭ ސިޔާސަތަށް އިދިކޮޅު ބައެއް ފަރާތްތަކުންދަނީ ފާޑުކިޔަމުންނެވެ.
Advertisement
This content is created and paid for by advertisers and does not involve Voice Journalists
