އޭޑީކޭ ރަސްމީ އެސްއެމްއެސް ހޭންޑަލްއިން ސްކޭމް މެސެޖުތަކެއް ދައުރުވަމުންދާތީ އެކަމަށް ސަމާލުވާން އެ ހޮސްޕިޓަލުން މިއަދު އިލްތިމާސްކޮށްފި އެވެ.
އޭޑީކޭ ހޮސްޕިޓަލުން އެކްސްގައި ކުރި ޕޯސްޓެއްގައި ބުނީ، އެ ހޮސްޕިޓަލުގެ ރަސްމީ އެސްއެމްއެސް ހޭންޑަލުން ސްކޭމް މެސެޖުތަކެއް ދައުރުކުރަމުން އަންނަކަން އެ ހޮސްޕިޓަލުގެ ސަމާލުކަމަށް އައިސްފައިވާ ކަމަށެވެ.
އަދި އެފަދަ އެއްވެސް އެސްމެސްތަކުން ފޮނުވާ އެއްވެސް ލިންކެއް ނުހުޅުވުމަށާއި އެ އެސްއެމްއެސްތަކަށް ޖަވާބުދިނުމުގެ ގޮތުން ޒާތީ އެއްވެސް މައުލޫމާތެއް ހިއްސާ ނުކުރުމަށް އެ ހޮސްޕޮލިޓަލުން ވަނީ އިލްތިމާސްކޮށްފަ އެވެ.
އޭޑީކޭއިން އިތުރަށް ބުނީ، އެފަދަ އެސްއެމްއެސްތައް ދައުރުކުރަމުންދަނީ އާންމުންގެ ޒާތީ މައުލޫމާތުތައް ފޭރިގަތުމަށް ކަމަށެވެ.
އަދި އެފަދަ އެސްއެމްއެސްތަކުގެ ޒަރިއްޔާއިން ލިބޭ މައުލޫމާތުތައް އޭޑީކޭގެ ރަސްމީ ނަންބަރަށް ގުޅައިގެން ކަށަވަރުކުރުމަށާ ޕާސްވޯޑް، ބޭންކް އެކައުންޓް ނަންބަރު، ކްރެޑިޓް ކާޑު މައުލޫމާތު ފަދަ އެއްވެސް މައުލޫމާތެއް ހިއްސާނުކުރުމަށްވެސް އެދިފައިވެއެވެ.
ސްކޭމް މެސެޖު މައްސަލަ ހައްލުކުރުމަށް މަސައްކަތް ކުރަމުންދާ ކަމަށް އޭޑިީކޭއިން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
