ރާއްޖޭން ފަސް ވަނަ ފަހަރަށް ވޯލްޑް ލީޑިން ޑެސްޓިނޭޝަން އެވޯޑު އަދި ފުރަތަމަ ފަހަރަށް، ވޯލްޑް ޓްރެވަލް އެވޯޑްސްގެ ވޯލްޑް ލީޑިން ގްރީން ޑެސްޓިނޭޝަން އެވޯޑް ހޯދައިފިއެވެ.
ޕޯޗުގަލްގެ މަދޭރާގައި ބޭއްވި ވޯލްޑް ޓްރެވަލް އެވޯޑްސްގެ ގްރޭންޑް ފައިނަލް ގާލާގައި މި ދެ އެވޯޑާ ހަވާލުވެވަޑައިގަތީ ޓޫރިޒަމް މިނިސްޓަރު އިބްރާހީމް ފައިސަލެވެ.
ވޯލްޑްސް ލީޑިންގ ގްރީން ޑެސްޓިނޭޝަން އެވޯޑް ހިމެނޭއިރު، މިއީ ތިމާވެއްޓާއި ރަށްޓެހި ދެމެހެއްޓެނިވި ފަތުރުވެރިކަމެއް ހިންގާ މަންޒިލްތަކަށް ދޭ އެވޯޑެކެވެ.
މި ދެ އެވޯޑުގެ އިތުރުން، މިއަހަރު ރާއްޖެއަށް ވަނީ ވޯލްޑް ޓްރެވަލް އެވޯޑްސް އިންޑިއަން އޯޝަން ކެޓެގަރީން އެވޯޑްތަކެއް ވެސް ލިބިފައެވެ. އޭގެތެރޭގައި، އިންޑިއަން އޯޝަންސް ކެޓެގަރީގެ ލީޑިން ހަނީމޫން ޑެސްޓިނޭޝަން އެވޯޑާއި ލީޑިން ގްރީން ޑެސްޓިނޭޝަނާއި ލީޑިން ޑައިވް ޑެސްޓިނޭޝަން އެވޯޑު ހިމެނެއެވެ.
މި އިނާމުތަކާ ހަވާލުވެވަޑައިގަތުމަށްފަހު ފަތުރުވެރިކަމާބެހޭ ވަޒީރު އިބްރާހީމް ފައިޞަލް ވިދާޅުވީ މި ކާމިޔާބީތަކަކީ ފަތުރުވެރިކަމުގެ ދާއިރާގައި ހިމެނޭ ހުރިހާ ފަރާތްތަކުން އެކުގައި ކުރެވުނު މަސައްކަތުގެ ނަތީޖާ ކަމަށެވެ.
އެގޮތުން ވަޒީރު ވަނީ، ރާއްޖޭގެ ފަތުރުވެރިކަން ކުރިއެރުވުމަށް، ޑައިވް ސެންޓަރުތަކާއި އެއަރލައިންތަކާއ،ި ޓްރެވަލް އޭޖެންސީތަކާއި، ޓުއަރ ގައިޑުންނާއ،ި ދާއިރާގައި މަސައްކަތްކުރާ އެންމެހައި ރިސޯޓް މުވައްޒަފުން އަދި ޖުމުލަކޮށް މުޅި މުޖުތަމަޢުތައް ކުރަމުންދާ މަސައްކަތް ފާހަގަކުރައްވާފައެވެ.
Advertisement
This content is created and paid for by advertisers and does not involve Voice Journalists
