މޯލްޑިވްސް ޓޫރިޒަމް އެވޯޑްސް 2024 އަށް ކުރިމަތިލުމުގެ މުއްދަތު އިތުރުކޮށްފިއެވެ. 

ޓޫރިޒަމް މިނިސްޓްރީން ބުނީ، ޓޫރިޒަމް އެވޯޑުގެ ކެޓަގަރީތަކަށް ކުރިމަތިލުމުގެ މުއްދަތު އިތުރުކޮށްފައިވާކަމަށާއި، މިގޮތުން މިހާރު އެވޯދަށް ކުރިމަތިލެވޭނެ އެންމެ ފަހު ތާރީހަކީ އަންނަ ޑިސެމްބަރުމަހުގެ 7 ވަނަ ދުވަސް ކަމަށެވެ. މޯލްޑިވްސް ޓޫރިޒަމް އެވޯޑަށް ކުރިމަތިލުމަށް ހުޅުވާލާފައިވަނީ އޮކްޓޫބަރުމަހުގެ 24 ވަނަ ދުވަހުއެވެ. އެފަހަރުގެ އިއުލާނުގައި ބުނެފައިވާގޮތުން އެވޯޑަށް ނަން ހުށަހެޅޭނެ އެންމެފަހު ތާރީހަކީ ނޮވެމްބަރުމަހުގެ 14 ވަނަ ދުވަހެވެ.

މިފަހަރުގެ އެވޯޑުގައި މާކްސް ދެވޭނީ 2023 ވަނަ އަހަރުގެ ޖޫންމަހުގެ އެއްވަނަ ދުވަހުން ފެށިގެން 2024 ވަނަ އަހަރުގެ މެއިމަހުގެ 31 ވަނަ ދުވަހުގެ ނިޔަލަށް އެއްކުރެވޭ މައުލޫމާތަށް ބިނާކޮށްކަމަށް ޓޫރިޒަމް މިނިސްޓްރީން ބުނެއެވެ.

Advertisement

މޯލްޑިވްސް ޓޫރިޒަމް އެވޯޑްސް ނަމުގައި ފަތުރުވެރިކަމުގެ ސިނާއަތުގައި ހިދުމަތްކުރާ ފަރާތްތަކަށް އެވޯޑެއް ތައާރަފްކޮށްފައިވަނީ، ރާއްޖޭގެ ފަތުރުވެރިކމަަށް 50 އަހަރު ފުރުމުގެ މުނާސަބަތުގައި 2022 ވަނަ އަހަރެވެ.