ރާއްޖެއަށް މޫސުން ގޯސްވެ، މޫސުމާއި ބެހޭ އިދާރާ (މެޓް އޮފީސް) އިން މުޅި ރާއްޖެއަށް ހުދު ސަމާލުނެރެފިއެވެ.

މެޓް އޮފީހުން ރާއްޖެއަށް ހުދު ސަމާލުނެރެފައިވަނީ މިއަދު ހެނދުނު 10:00 ފެށިގެން މެންދުރުފަހު 15:00 އާއި ހަމައަށެވެ.

މިގޮތުން އެ އިދާރާއިން ބުނީ، މުޅި ރާއްޖެއަށް ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހި ކަނޑުތައް ގަދަވާނެކަމަށް ލަފާކުރާކަމަށެވެ.

އެހެންކަމުން، މެޓް އޮފީހުން ވަނީ ހުރިހާ ފަރާތްތަކުންވެސް މޫސުމަށް ސަމާލުވުމަށް އިލްތިމާސްކޮށްފައެވެ.