ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ވާންގ ލިޒިން، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ އަރިހަށް ވަދާއީ ޒިޔާރަތެއް ކުރައްވައިފިއެވެ.
މި ބައްދަލުވުމުގައި ރައީސް ޑރ.މުޢިއްޒު ވަނީ އެކަމަނާ ކޮށްދެއްވި މަސައްކަތްތަކަށް ޝުކުރު އަދާކުރައްވައި، ދިވެހިރާއްޖޭގެ އެކި ދާއިރާތަކުގެ ތަރައްޤީގެ މަޝްރޫޢުތަކަށް އެހީތެރިވުމުގައި ޗައިނާއިން އަދާކުރާ މުހިންމު ދައުރު ފާހަގަކުރައްވާފައެވެ.
މި ބައްދަލުކުރެއްވުމުގައި ވާހަަކަފުޅު ދައްކަވަމުން ސަފީރު ވަނީ އެކަމަނާއަށް ރައީސް ޑރ.މުޢިއްޒާއި ސަރުކާރުން ދެއްވި އެއްބާރުލެއްވުމަށް ޝުކުރު އަދާކުރައްވައި، ސަރުކާރުގެ ފާހަގަކޮށްލެވޭ ކާމިޔާބީތަކާއި، އަހަރު ތެރޭގައި ފެނިގެންދިޔަ ތަރައްޤީއަށް ތަޢުރީފުކުރައްވާފައެވެ.
މި ބައްދަލުވުމުގައި ޗައިނާއިން ރާއްޖޭގައި ފަށާފައިވާ މަޝްރޫޢުތަކާއި ބެހޭގޮތުން މަޝްވަރާކުރެވި، އިތުރަށް އެއްބާރުލުން ދެވިދާނެ ދާއިރާތަކާ ބެހޭގޮތުން ދެބޭފުޅުން މަޝްވަރާކުރައްވާފައިވާއިރު، މި ބައްދަލުވުން ނިންމަވާލައްވާފައިވަނީ ދިވެހިރާއްޖެއާއި ޗައިނާއާ ދެމެދު އޮތް ގުޅުން ބަދަހިކުރުމުގެ ޔަގީންކަން ދެފަރާތުންވެސް ދެމުންނެވެ.
Advertisement
This content is created and paid for by advertisers and does not involve Voice Journalists
