އެސްޓީއޯ ރޭޓުން ތެއޮ ވިއްކުމަށް ކުރަމުންގެންދާ މަސައްކަތުގެ ދަށުން މިހާތަނަށް 5 ސަރަހައްދެއްގައި ތެއޮ ވިއްކަން ފަށާފައިވާކަމަށް އެސްޓީއޯއިން ބުނެފިއެވެ.
މަސްވެރިންނަށް ހެޔޮ އަގުގައި އެސްޓީއޯ ރޭޓްގައި ތެއޮ ފޯރުކޮށްދިނުމަކީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ރިޔާށީ ވައުދުތަކުގެ ތެރޭގައި ހިމެނޭ ކަމެކެވެ. މަސްވެރިންނަށް ހެޔޮ އަގުގައި ތެއޮ ފޯރުކޮށްދިނުމަށް ކުރަމުްނގެންދާ މަސައްކަތްތަކާ ގުޅޭގޮތުން އެސްޓީއޯއިން މިއަދު ބުނީ، ރާއްޖޭގެ ކޮންމެ އަތޮޅެއްގެ މަދުވެގެން އެއް ރަށުން "އެސްޓީއޯ ރޭޓް" ގައި، މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގެ "ފަހި ހަކަތަ" ޕޯޓަލް މެދުވެރިކޮށް މަސްވެރިންނަށް ތެޔޮ ލިބޭނެ އިންތިޒާމު ހަމަޖައްސަމުން ދާކަމަށެވެ.
މިގޮތުން މިހާރު ފަސް ސަރަހައްދަކުން ހެޔޮ އަގުގައި މަސްވެރިންނަށް ތެއޮ ލިބޭނޭކަމަށް އެސްޓީއޯއިން ބުނެއެވެ. އެ ފަސް ސަރަހައްދުގެ ތެރޭގައި ހިމެނެނީ، ކ. ހިންމަފުށި، ޅ. ފެލިވަރު، ގއ. ކޫއްޑޫ، އަދި ސ. ހުޅުމީދޫ އެވެ.
އެސްޓީއޯއިން ބުނީ އަންނަ އަހަރުގެ ނިޔަލަށް ރާއްޖޭގެ ކޮންމެ އަތޮޅެއްގައި ފިއުލް ސްޓޯރޭޖް ގާއިމްކޮށް، "އެސްޓީއޯ ރޭޓް" ގައި ތެޔޮ ލިބޭނޭ އިންތިޒާމް ހަމަޖައްސުމަށް އެކުންފުނިން މަސައްކަތްކުރަމުންދާކަމަށެވެ.
Advertisement
This content is created and paid for by advertisers and does not involve Voice Journalists
