އުރީދޫ މޯލްޑިވްސްއިން 2025 ވަނަ އަހަރަށް އިތުރު އޮފަރތަކެއް ތަޢާރަފުކޮށްފިއެވެ.

މިގޮތުން، ރާއްޖޭގެ އެންމެ ބޮޑު އަދި އެންމެ ވަރުގަދަ 5ޖީ ނެޓްވޯކްގެ ހަލުވި ސްޕީޑުގައި އަންލިމިޓެޑް ޑޭޓާ ހިމެނޭ ގޮތަށް ޕްރިޕެއިޑް އަދި ޕޯސްޓްޕެއިޑް ކަސްޓަމަރުންނަށް އަމާޒުކޮށްގެން މުޅިން އައު އެޑް-އޮންތަކެއް ވަނީ ތަޢާރަފުކޮށްފައެވެ.

މި އައު އެޑް-އޮންތަކުގެ ތެރޭގައި ހިމެނެނީ؛

1) ޕަވަރސްޕީޑް ޕްރޯ: ޕަވަރސްޕީޑް ޕްރޯގައި 25 ގަޑިއިރަށް އެންމެ 125 ރުފިޔާއަށް ހަލުވި ސްޕީޑުގައި އަންލިމިޓެޑް ޑޭޓާ އަދި ކޯލް ލިބޭނެއެވެ.

2) ޕަވަރސްޕީޑް: 60 ގަޑިއިރަށް އެންމެ 25 ރުފިޔާއަށް 25 ޖީބީ ޑޭޓާ އަދި އުރީދޫ ކޯލްތައް ލިބޭނެއެވެ.

މީގެ އިތުރުން، އުރީދޫއިން ވަނީ އާ އަހަރާ ގުޅުވައިގެން އިތުރު އޮފަރތަކެއްވެސް ތަޢާރަފުކޮށްފައެވެ.

މީގެ ތެރޭގައި ހިމެނެނީ؛

• 175 ޖީބީއާ ހަމައަށް ބޯނަސް ޑޭޓާ ހިމެނޭ އާޗާ ޕްރިޕެއިޑް، އުރީދޫ ޑޭޓާ އަދި މަގޭ ޕްލޭންތައް. 

• 150 ޖީބީ އެންމެ 150 ރުފިޔާއަށް ލިބޭ ބޮޑު ޗުއްޓީ ޕެކް، 5 ދުވަހަށް.

• ދިގު މުއްދަތައް ބޭނުންކުރެވޭ ގޮތަށް ފަރުމާކޮށްފައިވާ އާޗާ ޕްލޭނަތަކާއި އެކު 12 މަހަށް، 6 މަހަށް އަދި 3 މަހަށް ކޮންމެ ދުވަހަކު ޑޭޓާ ލިބޭ ޕްލޭންތައް

އުރީދޫއިން މި އޮފަރތައް ތަޢާރަފުކޮށްފައިވަނީ 2025 ވަނަ އަހަރުގެ ޖަނަވަރީ 31 ގެ ނިޔަލަށް ކުރިއަށްދާ ޚާއްޞަ ޕްރޮމޯޝަނެއްގެ ގޮތުގައެވެ. މި އެޑް-އޮންތައް އެކްޓިވޭޓްކުރެވޭނީ އުރީދޫ އެޕް މެދުވެރިކޮށެވެ.

އުރީދޫ މޯލްޑިވްސްއިން ވަނީ އެންމެހައި ބޭފުޅުންނަށް 2025 ވަނަ އަހަރުގެ ކޮންމެ ދުވަހަކީވެސް ގުޅިފައިވާ، އުފާވެރި އަދި ބާއްޖަވެރި ދުވަސްތަކަކަށް ވުމަށް އެދިފައެވެ.