މިހާރުކުރަމުންދާ ވިއްސާރާގައި މާލޭގެ މަގުތަކުގައި ފެންބޮޑުވުމާއި ގުޅިގެން އާދައިގެމަތިން ސިފައިން ނިކުމެ ފެން ހިންދުމުގެ މަސައްކަތް ފަށައިފިއެވެ.
ރެއިން ފެށިގެން ކުރަން ފެށި ވިއްސާރާގައި، މިއަދު ވާރޭވެހުމުގެ ސަބަބުން މާލޭގެ ބައެއް މަގުތަކުގައި ވަނީ ފެންބޮޑުވެފައެވެ. މިކަމާ ގުޅިގެން އެމްއެންޑީއެފުން ބުނީ، ފެންބޮޑުވި މަގުތަކުން ފެން ހިންދުމުގެ މަސައްކަތް ކުރަމުންދާކަމަށެވެ. މާލޭގެ އެންމެ ފެން ބޮޑުވާ ސަރަހައްދަކީ މާފަންނު، ވެސްޓްޕާކް ސަރަހައްދާއި އައިޖީއެމްއެޗް ސަރަހައްދެވެ.
މާލޭގެ ބައެއް މަގުތަކުގައި ފެންބޮޑުވާ މައްސަލަ ހައްލުކުރުމުގެ ގޮތުން މާލެސިޓީ ކައުންސިލުން މިހާރު ވަނީ މާލޭ ގްރޭންޑާ ދިމާލު މަޖީދީމަގުގެ ގާތަށް ނަގައި މަގު ހެދުމުގެ މަސައްކަތްކުރަމުންނެވެ. މާލޭގެ މަގުތަކުގައި ފެންބޮޑުވާތީވެ، މި ސަރުކާރުން ވަނީ މެއިމަހުގެ ތެރޭގައި މަޝްރޫޢުއެއް ފަށާފައެވެ. ނަމަވެސް އެއީ ފެންބޮޑުވެ ގެތަކަށް ފެންނަމުންދާތީ ލިބޭ ގެއްލުންތައް ކުޑަކުރުމުގެ ގޮތުން ފެށި ވަގުތީ މަޝްރޫޢުއެކެވެ.
މެޓް އޮފީހުން ބުނެފައިވަނީ ކުރިއަށްއޮތް ހަތަރު ދުވަހުވެސް ރާއްޖެއަށް މޫސުން ގޯސްވާނެ ކަމަށެވެ. މިގޮތުން މި ދުވަސްތަކުގައި ބޯކޮށް ވާރޭވެހި ކަނޑުތައް ގަދަވެ، ބައެއް ރަށްތަކަށް އުދަ އަރާނެކަމަށްވެސް މޫސުމާ ބެހޭ ޤައުމީ އިދާރާއިުން ވަނީ ލަފާކޮށްފައެވެ.
Advertisement
This content is created and paid for by advertisers and does not involve Voice Journalists
