ޖަސްޓިސް (ރިޓަޔަރޑް) އަލްއުސްތާޛު ޝުޢައިބު ޙުސައިން ޒަކަރިއްޔާ އަވަހާރަވުމަކީ، ރާއްޖޭގެ ޝަރުޢީ ދާއިރާއަށް ލިބުނު ފުން ހިތާމައެއްކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ހައިކޯޓްގެ ކުރީގެ ފަނޑިޔާރު އަދި ރާއްޖޭގހެ ޝަރުޢީ ދާއިރާއަށް ދިގު މުއްދަތެއްވަންދެން ހިދުމަތްކުރެއްވި ޝުޢައިބު ޙުސައިން ޒަކަރިއްޔާ އަވަހާރަވުމާ ގުޅިގެން ސޯޝަލް މީޑިއާގައި ރައީސް ޑރ.މުއިއްޒު ކުރެއްވި ޕޯސްޓެއްގައި ވިދާޅުވީ، އެމަނިކުފާނު އަވަހާރަވުމަކީ، ދިވެހި ޤައުމަށް އަދި ވަކީން ޚާއްޞަކޮށް ރާއްޖޭގެ ޝަރުޢީ ދާއިރާއަށް ލިބުނު ފުން ހިތާމައެކެވެ.
ޝުޢައިބު ވަނީ 23 އަހަރަށް ވުރެ ދިގު މުއްދަތަކަށް، ފަނޑިޔާރު ކަމުގައި ޤައުމަށް މުހިންމު ޚިދުމަތްތަކެއް ކުރައްވައިފައެވެ. ރައީސް ވިދާޅުވީ، ޝަރީޢަތާއި ޤާނޫނުގެ ދާއިރާއިން ދަރިވަރުން ބިނާކުރައްވައި ތަރުބިއްޔަތުކޮށްދެއްވި އެދުރެއްގެ ގޮތުގައިވެސް އެމަނިކުފާނަކީ ޚާއްޞަ ޚިދުމަތްތެރިއެއް ކަމަށެވެ.
ފަނޑިޔާރު ޝުޢައިބް ހައިކޯޓުގެ ޤާޟީކަމާ ހަވާލުވެވަޑައިގެންނަވާފައިވަނީ 2011 އަހަރުގެ ތެރޭގައި. ޝުޢައިބް ވަނީ 11 އަހަރު ވަންދެން ހައިކޯޓުގެ ފަނޑިޔާރުގެ މަޤާމް ފުރުއްވާފައެވެ. އޭނާ ވަޒީފާއިން ރިޓަޔަރ ކުރެއްވީވެސް ހައިކޯޓްގައި ހުންނަވައި 2022 ވަނަ އަހަރެވެ.
ވަނީ ޖަސްޓިސް ވުޒާރާގެ ޤާނޫނީ އޮފިސަރުގެ މަޤާމާއި، ޚާއްސަ ގާޟީކަމުގެ އިތުރުން އާއިލާއާ ބެހޭ ކޯޓާއި، ކުޑަކުދިންނާ ބެހޭ ކޯޓުގެ އިސް ޤާޟީކަމުގެ މަޤާމު ފުރުއްވާފައެވެ. ޝުޢައިބް ވަނީ މަޖީދިއްޔާގެ އިތުރުން ޤައުމީ ޔުނިވަރސިޓީގައިވެސް ލެކްޗަރާއެއްގެ ގޮތުގައި މަސައްކަތްކުރައްވާފައެވެ.
Advertisement
This content is created and paid for by advertisers and does not involve Voice Journalists
