ގޭގެ ކަންކަން ކުރުމަށް ގެނެސްފައިހުރި މެއިޑަކު، ކުޑަކުއްޖަކަށް އަނިޔާކުރި މައްސަލައެއް ފުލުހުން ބަލަން ފަށައިފިއެވެ.

މިކަމާ ގުޅޭގޮތުން ފުލުހުން ބުނީ، ކުޑަކުއްޖަކަށް ގޭގައި ގެންގުޅޭ ބިދޭސީ މެއިޑަކު އަނިޔާކުރި މައްސަލައެއް އެ މުއައްސަސާއަށް ހުށަހަޅާފައިވާކަމަށެވެ. ފުލުހުން ބުނީ އެ މައްސަލަ ބަލަމުން އަންނަ ކަމަށާއި، ނޭޕާލަށް ނިސްބަތްވާ އެ މީހާ އަނިޔާކުރިކަމަށް ތުހުމަތުކުރަނީ 3 އަހަރުގެ ކުއްޖަކަށް ކަމަށެވެ. 

ކުޑަކުދިންނަށް އަނިޔާކުރުމުގެ މައްސަލަތަށް މިފަހުން އިތުރުވާން ފަށާފައިވާއިރު، މިދިޔަ ބްރާސްފަތި ދުވަހު ޓީޗަރަކު ސެން ކްލާސް ދަރިވަރަކަށް އަނިޔާކުރި މައްސަލައެއްވެސް ވަނީ ފުލުހުން ބަލަން ފަށާފައެވެ. މައުލޫމާތު ލިބިފައިވާ ގޮތުގައި ޓީޗަރު ވަނީ ހާއްސަ އެހީއަށް ބޭނުންވާ އެ ކުއްޖާގެ އަނގަމަތީ ޓޭޕް އަޅައި އަތްވެސް ބަނދެ ކުއްޖާއަށް އަނިޔާކޮށްފައެވެ. ކަލާފާން ސްކޫލުގައި ހިނގި މި ހާދިސާގައި ޓީޗަރު މިވަގުތު ހުރީ ކޯޓް އަމުރެއްގެ ދަށުން ޝަރުތުތަކަކާއެކު ދޫކޮށްލާފައެވެ.

Advertisement

މީގެ އިތުރުން ވަރަށްފަހުން އަތޮޅުތެރޭ ރަށެއްގެ ސްކޫލުގައިވެސް މިފަދަ މައްސަލައެއް ވަނީ ފެންމަތިވެފައެވެ.