ހިންދޫ ފާދިރީއަކު އަނެއްކާވެސް ރާއްޖެ އައިސް، ރޫހާނީ ފަރުވާގެ ނަމުގައި ހިންދޫ ދީނާއި ގުޅޭ ކްލާސްތައް ނަގައި އެކަން މީސް މީޑިއާގައި އިޝްތިހާރު ކުރަން ފަށައިފި އެވެ. 

މާސްޓަރ ދުރްގާ ރައޯ ނަމުގައި ހިންގާ ފޭސްބުކް ޕޭޖެއް މެދުވެރިކޮށް އެ ފާދިރީ ރާއްޖޭގައި ކޯސް ހިންގާކަން އިއުލާން ކޮށްފައިވާއިރު، ރޫހާނީ ފަރުވާ އާއި ފާލު ބެލުން ފަދަ އިސްލާމް ދީނުގައި ޙަރާމް ކަންކަން ކުރާ ކަމަށް އޭނާ ބުނެފައިވެއެވެ. 

އަދި މީގެ ދެދުވަސް ކުރިން ހުޅުމާލޭގައި އޭނާ އެކަމެއް ކުރަން ފަށާފައިވާއިރު، ސެޝަނަކަށް 300 ރުފިޔާ ނަގާ ކަމަށް މީސްމީޑިއާ ޕޯސްޓަރ ގައި ބުނެފައިވެއެވެ. އަދި ވަރަށް ގިނަ މީހުން އޭނާ ކައިރިއަށް ދާ ކަމަށްވެސް އޭގައި ބުނެފައިވެއެވެ. 

Advertisement

މި ފާދިރީ ކަލޭގެ އެކަން ކުރާ ތަނުގައި ހިންދޫ ދީނުގެ މީހުން އަޅުކަން ކުރާ ޒާތުގެ ބޮޑު ބުދެއް ބަހައްޓާފައި ހުރި އިރު، ވަށައިގެން އަތުރާފައި ހުންނަނީ ވެސް ހުސް އެ ޒާތުގެ ތަކެއްޗެވެ.

މި މައްސަލަ ކަމާބެހޭ ފަރާތްތަކަށް ހުށަހަޅާފައިވާ ކަމަށް އިސްލާމިކް މިނިސްޓަރ ޑރ. ޝަހީމް ވޮއިސް އަށް މައުލޫމާތު ދެއްވާފައިވާއިރު، އެ މައްސަލަ ބަލަމުން އަންނަ ކަމަށް ފުލުހުން ވަނީ މިއަދު ބުނެފައެވެ.

މިދިޔަ އޮގަސްޓު މަހުގެ ތެރޭގައި ވެސް ފާދިރީއަކު އައިސް، ރޫހާނީ ފަރުވާގެ ކްލާސްތައް ނަގައިދޭ ކަމަށް ބުނެ ކެމްޕޭނެއް ހިންގި އެވެ. އެ އެކަމާ ގުޅިގެން އާއްމުން ނުރުހުން ވުމުން ފުލުހުންގެ ބެލުމުގެ ދަށަށް އޭނާ ގެންދިޔުމަށްފަހު ފަހުން ވަނީ ޑީޕޯޓު ކޮށްލާފަ އެވެ.