މި ސަރުކާރަށް އަޑު އިއްވެން އޮތީ ހަމަ އެކަނި ނުކުމެ މަގުމަތީގައި މި އަޑު އުފުލައި ވަކާލާތުކޮށްގެން ކަމަށް އެމްޑީޕީގެ ރައީސް އަބްދުالله ޝާހިދު ވިދާޅުވެއްޖެއެވެ.

ޝާހިދު މިފަދައިން ވިދާޅުވީ، ހުޅުމާލޭ ރުއްގަނޑު ސަރަހައްދުގައި ރޭގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ.

މިގޮތުން ޝާހިދު ވިދާޅުވީ، ފްލެޓާ ގުޅޭ މައްސަލަތަކުގައި ހަނުހުރުމަކީ ހައްލެއް ނޫންކަމަށާއި، ފްލެޓަކީ ރައްޔިތުންގެ ހައްގަކަށްވާއިރު، ސަރުކާރަށް ޝަރުއީ ހުކުމެއް ނެތި ފްލެޓުތައް އަތުނުލެވޭނެކަމަށެވެ.

ރިސޯޓުތަކުގައި މަސައްކަތް މުވައްޒަފުން ގުދާރު ބިންދައިގެން މަސައްކަތް ކުރާއިރު، އެ މުވައްޒަފުންނަށް ޑޮލަރުން ލިބެމުން ދިޔަ ސާވިސް ޗާޖު ރުފިޔާ އަށް ބަދަލުކޮށްލީވެސް ސަރުކާރުގެ ދޯހަޅި ސިޔާސަތުގެ ތެރެއިން ކަމަށް ޝާހިދު ވިދާޅުވިއެވެ. 

މިއާއިއެކު ޝާހިދު ވަނީ އެންސްޕާ އާއި އާސަންދައިން ބޭސް ނުކުރެވޭ ފަރާތްތަކާއި ޓެކްސީ ލައިން ހެދުމަށް ސަރުކާރުން ކުރާ މަސައްކަތް ހުއްޓުވުމަށާއި، މަހުގެ އަގު ސަރުކާރުން ވައްޓާލުމަށް ފަހު ފައިސާ ނުދޭއިރު އެ ހައްގު ހޯދުމަށް މަސްވެރިންނާއި މަސްވެރިންގެ އާއިލާތަކުން ނުކުތުމަށް ގޮވާލައްވާފައެވެ.