ހއ.މޮޅަދޫއަށް އައު ސިއްހީ މަރުކަޒެއް ބޭނުންވާކަމަށް އެރަށުގެ ކައުންސިލުން ބުނެފިއެވެ.

ރައީސް ޑރ.މުޢިއްޒު މިހާރު ހއ އަތޮޅަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން އެ އަތޮޅު މޮޅަދޫއަށް ވަޑައިގެން މޮޅަދޫ ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ (އ.ތ.މ.) ކޮމިޓީއާއި މުއައްސަސާތަކުގެ އިސްވެރިންނާއިއެކު ބޭއްވި ބައްދަލުކުރެއްވުމުގެ ތެރެއިންނެެވެ.

މި ބައްދަލުވުމުގައި އެރަށުގެ ކައުންސިލުން ވަނީ  މޮޅަދޫ ކައުންސިލުން ވަނީ ރަށުގެ ފެނާއި ނަރުދަމާގެ މަސައްކަތް މެދުކެނޑިފައިވުމާއި، ސްކޫލާއި ކައުންސިލް ޢިމާރާތުގެ ޖާގައިގެ ދަތިކަމުގެ އިތުރުން، ރަށުގެ ގިރާ ސަރަޙައްދުގެ މައްސަލައިގެ ކަންބޮޑުވުން ރައީސް ޑރ.މުޢިއްޒާއި ހިއްސާކުރައްވާފައެވެ.

Advertisement

މިއާއިއެކު އެރަށު ކައުންސިލުން ބުނީ، ޞިއްޙީ މަރުކަޒު މަރާމާތު ނުކުރެވި ގިނަ އަހަރުތަކެއް ފާއިތުވެ ގޮސްފައިވާކަން ފާހަގަކޮށް އެރަށު މުއައްސަސާތަކުން ވަނީ ރަށަށް އައު އައު ޞިއްޙީ މަރުކަޒެއްގެ ބޭނުންޖެހިފައިވާކަމަށާއި، އައު ފުޓްސަލް ދަނޑަކާއި ވޮލީ ކޯޓަކާއި ކުޑަކުދިންގެ ޕާކެއްގެ އިތުރުން، ޔޫތު އެންޑް ކޮމިއުނިޓީ ސެންޓަރެއް ރަށުގައި ޤާއިމުކުރަން ބޭނުންވާކަމަށް ބުނެފައެވެ.

ރައީސް ޑރ.މުޢިއްޒު ވަނީ  ކައުންސިލް މެންބަރުން ފާހަގަކުރެއްވި ކަންކަމަށް ހައްލު ހޯއްދަވައިދެއްވުމަށް މަސައްކަތްކޮށްދެއްވާނެ ކަމުގެ ޔަގީންކަން ދެއްވައި، މި ބައްދަލުވުމުގައި ކައުންސިލާއި އ.ތމ. ކޮމިޓީއާއި މުއައްސަސާތަކުގެ އިސްވެރިން ފާޅުކުރެއްވި ކަންބޮޑުވުންތަކާގުޅޭ އެންމެ ފަހުގެ މަޢުލޫމާތުތައް ވަޒީރުން މެދުވެރިކޮށް ޙިއްޞާކުރައްވާފައެވެ.