އެންމެ ބޮޑު ގޭމިން ފެސްޓިވަލް "އުރީދޫ ނޭޝަން ގޭމާސް ލޭންޑް" ގެ ބައިވެރިންގެ ތެރެއިން "އަލްޓިމޭޓް ޕްލޭޔާ" ހޮވުމުގެ ފުރުސަތު, މުބާރާތް އުރީދޫއިން އާންމުންނަށް ހުޅުވާލައިފިއެވެ. 

މިފަހަރުގެ "އަލްޓިމޭޓް ޕްލޭޔާ" މަގާމަށް 6 ކުޅުންތެރިން ނޮމިނޭޓްކޮށްފައިވާ ކަމަށް އުރިދޫ އިން ބުނެފައި ވެއެވެ. ހުރިހާ ގޭމްތައް ކުޅޭ ފަރާތްތަކުގެ ތެރެއިން މުބާރާތުގެ އެންމެ މޮޅު ކުޅުންތެރިޔާއަށް ކަނޑައަޅާފައިވަނީ 30،000 ރުފިޔާގެ ފައިސާގެ އިނާމެކެވެ. މި ފައިސާގެ އިނާމް ރައްދު ކުރާނީ އުރީދޫ ނޭޝަން އަލްޓިމޭޓް ގޭމިން ފެސްޓިވަލް ނިންމުމުގެ ރަސްމިއްޔާތުގައެވެ. މި މުބާރާތް ބޭއްވުމަށް ހަމަޖެހިފައިވަނީ އަންނަ ހަފްތާގެ ބުރާސްފަތިން ފެށިގެން ހުކުރު ދުވަހުގެ ނިޔަލަށެވެ. 

މި މުބާރާތަށް ނޮމިނޭޓްވެ ވޯޓުދެވޭ ކުޅުންތެރިންގެ ތެރޭގައި ހިމެނެނީ ހައިޝަމް ވަހީދު، އަހުމަދު އަޒީން ނަޒީމް، ޒަމީލް ޒިހުނީ، ރާއިދު ހަސަން، އަހުމަދު މާހިލް އަދި ހަސަން ޝަމްހާން އެވެ. ވޯޓުދޭން ބޭނުންވާ ކުޅުންތެރިޔާގެ ނަން ކަނޑައެޅިފައިވާ ކީވަރޑް އާއެކު ލިޔުމަށްފަހު 9144495 ނަމްބަރަށް ފޮނުވުމުން ވޯޓް ދެވޭނެއެވެ. އެގޮތުން ފޮނުވާ ކޮންމެ އެސްއެމްއެސްއަކަށް 20 ލާރި ޗާޖްކުރާނެއެވެ.

Advertisement

އުރީދޫއިން ބުނީ ވޮޓު ދެވޭނީ ހަމައެކަނި އުރީދޫ ކަސްޓަމަރުންނަށް ކަމަށެވެ. ވޯޓުލުމުގެ ފުރުސަތު ހުޅުވާލެވިފައިވަނީ އަންނަ ހަފްތާގެ ބުރާސްފަތިދުވަހުގެ ރޭ 11:59  އާ ހަމައަށެވެ.