ޓީއެމްއީ ރިޓްރީޓްސް ދިގުރަށް ގެސްޓްހައުސް އިން ނިމިދިޔަ ޖެނުއަރީމަހު މުވައްޒަފުންގެ ސާވިސް ޗާޖްގެ ގޮތުގައި އެ ގެސްޓްހައުސް މުވައްޒަފުންނަށް 840 ޑޮލަރު ދީފި އެވެ. 

"ވޮއިސް" އަށް މައުލޫމާތު ދެމުން ގެސްޓްހައުސްގެ ޖެނެރަލް މެނޭޖަރ މުޙައްމަދު އުސްމާން ވިދާޅުވީ، ހުސްވި މަހު ސާވިސް ޗާޖްގެ ގޮތުގައި އެ އަދަދު ގެސްޓްހައުސްގައި މަސައްކަތްކުރާ 10 މުވައްޒަފުންނަށް ދީފައިވާ ކަމަށެވެ. އަދި މި އަދަދަކީ މިހާތަނަށް ދިގުރަށުގެ ގެސްޓްހައުސްއަކުން ދިން އެންމެ ބޮޑު ސާވިސް ޗާޖްކަން އުސްމާން ފާހަގަކުރެއްވިއެވެ. 

އުސްމާން ވިދާޅުވީ މިއީ މިހާތަނަށް އެ ގެސްޓްހައުސް އިން މުވައްޒަފުންނަށް ދީފައިވާ އެންމެ ބޮޑު ސާވިސް ޗާޖެވެ. ދިގުރަށުގެ ގެސްޓްހައުސްތަކުން ފަތުރުވެރިކަމުގެ ސީޒަން ތެރޭ މިލިއަން ރުފިޔާއިން މަތީގެ ފައިދާ ހޯދާކަން އޭނާ ފާހަގަކުރެއްވިއެވެ.

ޓީއެމްއީ ރިޓްރީޓްސް ދިގުރަށް

ހުސްވި ޖެނުއަރީމަހު ސާވިސްޗާޖުގެ ގޮތުގައި ޓީއެމްއީ ރިޓްރީޓްސް ދިގުރަށް ގެސްޓްހައުސް ގެ މުއައްޒަފުންނަށް 840 ޑޮލަރު ދީފައިވާއިރު، މިދިޔަ އަހަރުގެ ތެރޭގައި އެއް މަހެއްގެ ތެރޭގައި އެންމެ ބޮޑު ސާވިސް ޗާޖެއްގެ ގޮތުގައި ދެވިފައިވަނީ 730 ޑޮލަރެވެ. އުސްމާން ވިދާޅުވީ ޓީއެމްއީ ރިޓްރީޓްސް ދިގުރަށް ގެސްޓްހައުސްގެ ހުރިހާ މުވައްޒަފުންނަށްވެސް މުސާރަ ދެނީ ޑޮލަރުންނެވެ. 

ޓީއެމްއީ ރިޓްރީޓްސް ދިގުރަށް

އޭނާގެ ގެސްޓްހައުސްގައި ވަޒީފާ އަދާކުރަން ޑިމާންޑް ބޮޑުވިނަމަވެސް ފަތުރުވެރިކަމުގެ ދާއިރާގައި ތަޖުރިބާ ހުންނަ ގިނަ ފަރާތްތަކުން ގެސްޓްހައުސްތަކުގައި މަސައްކަތްކުރުމުގެ ބަދަލުގައި ގިނަފަހަރަށް ދަނީ ރިސޯޓްތަކަށްކަން އޭނާ ވިދާޅުވިއެވެ. 

އުސްމާން ވިދާޅުވީ ގެސްޓްހައުސްތަކުންވެސް ރަނގަޅު މުސާރައާއި ސާވިސްޗާޖްގެ ގޮތުގައި ރަނގަޅު އަދަދެއް މުއައްޒަފުންނަށް ލިބޭކަމަށެވެ. އެގޮތުން ޖުމްލަ ގޮތެއްގައި މުއައްޒަފަކަށް 500 ނުވަތަ 600 ޑޮލަރު ޖެހޭނޭކަމަށް އޭނާ ފާހަގަކުރެއްވިއެވެ. 

ދިގުރަށަކީ ފަތުރުވެރިކަމުގެ ވިޔަފާރި ވަރަށްބޮޑަށް ކުރިއަރައިގެން ގޮސްފައިވާ ރަށެކެވެ. ދިގުރަށުގައި މިހާރު 25 ހަށްވުރެ ގިނަ ގެސްޓްހައުސް ހިންގަެވެ.