ލާމަރުކަޒީ ނިޒާމަށް ހަގީގީ ބާރުވެރިކަން ދޭން ފެއްޓެވި މަސައްކަތް ހުއްޓުމެއްނެތި ކުރިއަށްދާނެ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
އެމަަަަަަަަަަަަަނިކުފާނު މިފަދައިން ވިދާޅުވީ ލާމަރުކަޒީ ދުވަހުގެ ތަހުނިޔާ ފޮނުއްވާ މީސް މީޑިއާގައި ކުރެއްވިި ޕޯސްޓެއްގައެވެ.
ރައީސުލްޖުމްހޫރިއްޔާ ވިދާޅުވީ، ރަށްރަށަށް ދަތުރުކޮށް، ކައުންސިލްތަކުގެ އަޑު ސީދާ އައްސަވާ، ރައްޔިތުންނާ ގާތުން ބައްދަލުވެ، ޙާލަތު ލޮލުން ދެކި، ލާމަރުކަޒީ ނިޒާމަށް ހަގީގީ ބާރުވެރިކަން ދިނުމަށް އެމަނިކުފާނު ފެއްޓެވި މަސައްކަތް ހުއްޓުމެއްނެތި ކުރިއަށްދާނެކަމަށެވެ.
ރައީސުލްޖުމްހޫރިއްޔާ މިހެން ވިދާޅުވެފައިވާއިރު، އެމަނިކުފާނު ގެންދަވަނީ ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކާއި ބައްދަލު ކުރެއްވުމަށް ރަށްރަށަށް ދަތުރުފުޅުތައް ކުރައްވަމުންނެވެ.
އަދި ކައުންސިލް ތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތައް މާލީގޮތުން ބާރުވެރިކުރުވަން މަސައްކަތް ކުރައްވަމުންނެވެ. އެގޮތުން ކައުންސިލްތަކަށް ފަޅު ރަށްތައް ދީ، މާލީ މަންފާ ހޯދުމުގެ ފުރުސަތު ފަހިކޮށްދީފައިވެއެވެ.
ލާމަރުކަޒީ ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެ ވެސް ފެބުރުއަރީ މަހުގެ 26 ވަނަ ދުވަހެވެ. އެއީ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން ފުރަތަމަ ފަހަރަށް އިންތިޚާބު ކުރެވުނު ކައުންސިލަރުން ހުވާ ކުރެއްވުނު ދުވަހެވެ.
Advertisement
This content is created and paid for by advertisers and does not involve Voice Journalists
