ކުރިއަށްއޮތް ރަމަޟާންމަހު އުރީދޫ އާއެކު ކަރާފަޅައިގެން، އެޕަލް އުފެއްދުންތަކުގެ ބިޔަ ބަންޑެއްޔެއް ހޯދުމުގެ ފުރުސަތު އެކުންފުނިން ހުޅުވާލައިފިއެވެ.

އުރީދޫއިން އަންނަނީ ކޮންމެ އަހަރެއްގެ ރަމަޟާންމަހުވެސް އެކުންފުނީގެ ކަސްޓަމަރުންނަށް ރޯދަ ހަދިޔާގެ ގޮތުގައި އަގުހުރި އިނާމުތައް ލިބޭ ޕްރޮމޯޝަންތައް ހިންގަމުންނެވެ. މިކަމާ ގުޅޭގޮތުން އުރީދޫއިން ބުނީ، މި ރޯދަމަހުވެސް، އުރީދޫގެ ކަސްޓަމަރުންނަށް ހާއްސަ އެތައް ކަމެއް ތައްޔާރުކުރެވިފައިވާ ކަމަށެވެ.

އުރީދޫގެ މިއަހަރު ރޯދަ ކެމްޕެއިނު ހާއްސަކޮށްފައިވަނީ، ކުޑަކުއްޖެއް ކަމަށްވާ ނޫރްގެ ފަރާތުން އޭނާގެ ފުރަތަމަ ރޯދަމަހުގެ ސިފަކުރުންތަކެކެވެ.

ނޫރަށް އޭނާގެ ބައްޕަގެ ފަރާތުން ހާއްސަ ފޮތެއް ލިބުމާއެކު، ރަމަޟާން މަހުގެ ރިވެތި ސިފަތައް ކަމުގައިވާ ކެތްތެރިކަމާއި، ނަމާދާއި ދީލަތިކަން ޒަމާނީ އިސްލާމީ ވާހަކަތަކުން ނޫރު ރޯދަމަހުގެ ދަތުރެއް ފަށައެވެ. ނޫރުގެ ތަޖުރިބާ މެދުވެރިކޮށް.

 ރަމަޟާން މަހުގެ އަސްލަކީ، އެމަހަށްވުރެ ވެސް ބޮޑަށް ފެތުރިފައިވާ އެއްޗެއްކަން ހަނދާންކޮށްދީ، އޯގާތެރިކަމާއި، ވިސްނުމާއި، އެއްބައިވަންތަކަމުން ފުރިގެންވާ ދިރިއުޅުމެއް އުޅުމަށް މަގުދައްކައިދެއެވެ.

މިދިޔަ ދެ އަހަރު އުރީދޫއިން ގެނެސްދިން ހަދިޔާފޮށީގެ ކާމިޔާބާއެކު މިއަހަރު ކަސްޓަމަރުންނަށް އެކުންފުނިން ގެނެސްދިނުމަށް ނިންމާފައިވަނީ،  ސުޕަރ އެޕް މެދުވެރިކޮށް އުރީދޫ ކަރާ ފެޅުމެވެ. އުރީދޫއިން ބުނީ ކޮންމެ ދުވަހަކު ވެސް ހިތްގައިމު އިނާމުތަކެއް ހޯދުމުގެ ފުރުސަތަކަށް އެޕުން ފެނިގެންދާ ކަރާ ފަޅާލުމަށް އެޕްގައި އެކްޓިވް އެންމެނަށް ޓެޕް ކުރެވޭނޭ ކަމަށެވެ.

އެގޮތުން އުރީދޫއިން ބުނީ ކޮންމެ ދުވަހަކު ހިލޭ ޑޭޓާ އެޑް އޮންސް، އެއާފްރަޔަރ، ވެކިއުމް ކްލީނަރ، ނިންޓެންޑޯ ސްވިޗް، އެޕަލް ވޮޗް ފަދަ ހަދިޔާތަކާއެކު މިއަހަރު ކަރާ ފެޅުން އުފާވެރި މަޖާ ތަޖުރިބާއަކަށް ވެގެން ދާނެކަމުގެ ޔަގީންކަން އެބައޮތް ކަމަށެވެ. ގްރޭންޑް ޕްރައިޒް ލިބޭ ފަރާތަކަށް ހުށަހެޅިފައިވާ އިނާމުގައި އެޕަލް ކުންފުނީގެ އަގުހުރި 10 އުފެއްދުން ހިމެނެއެވެ.

އޭގެ ތެރޭގައި ހިމެނެނީ:

- އެޕަލް އައިފޯން 16 ޕްރޯ

- މެކްބުކް އެއާ

- އެއާޕޮޑްސް 4

- އެޕަލް ވޮޗް

- އެޕަލް ޓީވީ

- އެޕަލް ހޯމްޕޮޑް

- އެޕަލް އައިޕެޑް

– އެޕަލް ޕެންސިލްގެ އިތުރުން  އެއަރޕޮޑްސް މެކްސް – 65 ހިމެނެއެވެ.

މީގެ އިތުރުންވެސް ކޮންމެ ރަމަޟާންމަހަކު އުރީދޫ ކަސްޓަމަރުންނަށް އާދަވެގެން ހާއްސަކުރާ ހަދިޔާތަކާއި ޕްރޮމޯޝަންތައް މިފަހަރުވެސް ހިމެނޭކަމަށް އެކުންފުނިން ބުނެއެވެ. އެގޮތުން ރަމަޟާންމަހު ކަނޑައެޅިފައިވާ ޕެކޭޖްތައް އެކްޓިވޭޓްކޮށްގެން ލިބޭ ހަދިޔާތަކާއި، ނަމާދުވަގުތުތައް އަންގައިދޭ އެލާޓްގެ އިތުރުން ރަމަޟާންމަހު ސައުދީއަށް ގުޅާލުމަށް ލިބިގެންދާ ހާއްސަ އަގުތައް ހިމެނެއެވެ.