ފަލަސްތީނުގެ ޣައްޒާ ހިފައި އެތަނުގެ ރައްޔިތުން އެހެން ގައުމުތަކަށް ފޮނުވާލުމަށް ފަހު އެތަން ތަރައްގީކުރަން އެމެރިކާގެ ރައީސް ޑޮނަލްޑް ޓްރަމްޕް ހުށަހަޅާފައިވާ ހުށަހެޅުމަށް ތާއީދުނުކޮށް އަރަބި ލީގުން ހުށަހެޅި ގޮތަށް ހުޅަނގުގެ ބައެއް ގައުމުތަކުން
އެގޮތުން، ފްރާންސް، ޖަރުމަނުވިލާތް، އިޓަލީ އަދި އިނގިރޭސިވިލާތުގެ ޚާރިޖީ ވަޒީރުން ނެރުނު ގުޅިފައިވާ ބަޔާނެއްގައި ވަނީ 53 ބިލިއަން ޑޮލަރު ޚަރަދު ކޮށްގެން ޣައްޒާ ތަރައްގީކުރަން ޢަރަބި ލީގުން ހުށަހަޅާފަްިވާ ހުށަހެޅުމަށް އެ ގައުމުތަކުން ތާއީދު ކުރާކަން އިއުލާން ކޮށްފައެވެ.
"މި މަޝްރޫޢުއިން ދައްކައިދެނީ ޣައްޒާ އަލުން އިމާރާތްކުރުމަށް ޢަމަލީގޮތުން ކުރިއަށް ދެވޭނެ މަގެއް. އަދި މި މަޝްރޫޢު ތަންފީޒުކޮށްފިނަމަ، ޣައްޒާގައި ދިރިއުޅޭ ފަލަސްޠީނުގެ ރައްޔިތުންގެ ނިކަމެތި ދިރިއުޅުމުގެ ޙާލަތު އަވަހަށް އަދި ދެމެހެއްޓެނިވި ގޮތެއްގައި ރަނގަޅުވެގެންދާނެ" ހަތަރު ގައުމުގެ މިނިސްޓަރުން ނެރުއްވި ގުޅިފައިވާ ބަޔާނެއްގައި ވިދާޅުވެފައިވެއެވެ.
އޯގަނައިޒޭޝަން އޮފް އިސްލާމިކް ކޯޕަރޭޝަން އޯއައިސީންވެސް ވަނީ، ޣައްޒާ ހިފައި އެތަނުގެ ރައްޔިތުން އެހެން ގައުމަކަށް ބަދަލުކުރުމަށް ޓްރަމްޕް ގެންގުޅޭ ވިސަްނުމާ ދެކޮޅަށް ޢަރަބި ލީގުން ހުށަހަޅާފައިވާ ހުށަހެޅުމަށް ތާއީދު ކޮށްފައެވެ.
އަދި މި ސަރަޙައްދީ މަޝްރޫޢުއަށް ބައިނަލްއަޤްވާމީ މުޖުތަމަޢުގެ އެހީތެރިކަމަށް ގޮވާލާފައިވެއެވެ.
57 މެމްބަރުން ހިމެނޭ މި ޖަމާޢަތުން މިގޮތަށް ނިންމާފައިވަނީ ސަޢޫދީ ޢަރަބިއްޔާގެ ޖިއްދާގައި ހޮނިހިރު ދުވަހު ބޭއްވުނު ކުއްލި ބައްދަލުވުމެއްގައެވެ. މިއީ ޢަރަބި ލީގުން ޤާހިރާގައި ބޭއްވި ސަމިޓެއްގައި މި މަޝްރޫޢު ފާސްކުރިތާ ތިން ދުވަސް ފަހުންނެވެ.
އެގޮތުން، ގާހިރާގައި އަންގާރަ ދުވަހު ބޭއްވި ސަމިޓުގައި އަރަބި ލީޑަރުން ވަނީ ޣައްޒާ އާރާސްތުކުރުމަށް ފައިސާ ހޯދުމަށް ޓްރަސްޓް ފަންޑެއް އިއުލާނުކޮށް އެކަމަށް ތާއީދުކުރުމަށް ބައިނަލްއަގުވާމީ މުޖުތަމައުގެ ކިބައިން އެދިފަ އެވެ.
Advertisement
This content is created and paid for by advertisers and does not involve Voice Journalists
