ޑުރަގާމެދު ހަރުކަށި ނިންމުންތަކެއް ނިންމެވި، ފިލިޕީންސްގެ ކުރީގެ ރައީސް ރޮޑްރިގޯ ޑުޓާޓޭ ހައްޔަރުކޮށްފިއެވެ
ޑުޓާޓޭ ހައްޔަރުކޮށްފައިވަނީ، އިންޓަނޭޝަނަލް ކްރިމިނަލް ކޯޓުގެ (އައިސީސީ)ގެ އަމުރަކަށެވެ. ޑުޓާޓޭ ހައްޔަރުކުރަންޖެހުނު ސަބަބެއްކަމަށް އައިސީސީން ބަޔާންކޮށްފައިވަނީ، އޭނާގެ ވެރިކަމުގައި މަސްތުވާތަކެއްޗާ ދެކޮޅަށް ސަރުކާރުން ކުރިއަށްގެންދިޔަ ހަނގުރާމައިގައި ހިންގެވި ލާއިންސާނީ ޖަރީމާތަކުގެ ސަބަބުންކަމަށެވެ.
ޑުޓާޓޭ ހައްޔަރުކޮށްފައިވަނީ ޤައުމުން ބޭރުގައި އުޅުއްވުމަށްފަހު އެނބުރި ޤައުމަށް ވަޑައިގެންނެވިތަކުން ވެރިރަށް މެނީލާ އެއާޕޯޓުންނެވެ. މިހާރު އޭނާ ހުންނެވީ ފުލުހުންގެ ބެލުމުގެ ދަށުގައެވެ.
މަސްތުވާ ތަކެއްޗާ ދެކޮޅަށް ޑުޓާޓޭގެ ސަރުކާރުން ކުރިއަށްގެންދިޔަ ހަނގުރާމާގައި 7،000 ހާހަށްވުރެ ގިނަ މީހުން މަރާލާފައިވާކަމަށް ފިލިޕީންސްގެ މިހާރުގެ ސަރުކާރުން ތުހުމަތުކުރެއެވެ. މީގެ އިތުރުން 2016 ވަނަ އަހަރުން 2022 ވަނަ އަހަރު ވެރިކަން ކުރެއްވިއިރު، މަސްތުވާތަކެއްޗާ ދެކޮޅަށް ޑުޓާޓޭ ކުރެއްވި އެ ހަނގުރާމާގައި އޭނާ ވަނީ އެއްވެސް ހަމައއް ލަމައެއްނެތި އަންހެނުންނާއި ކުޑަކުދިންނަށްވެސް ހަމަލާދީ މަރާލާފައިކަމަށް އިންސާނީ ހައްޤުތަކަށް މަސައްކަތްކުރާ ޖަމިއްޔާ ޖަމާަތްތަކުން ބުނެއެވެ.
ޑުޓާޓޭގެ ވެރިކަމުގައި އެންމެ ފާހަގަކުރެވިގެން ގޮސްފައިވަނީ މަސްތުވާ ތަކެއްޗާ ދެކޮޅަށް އޭނާ ގެންގުޅުނު ހަރުކަށި ސިޔާސަތުތަކެވެ. ފިލިޕީންސްގެ ވެރިކަމުގެ ހުވާ 2017 ވަނަ އަހަރު ކުރެއްވުމަށްފަހު ޑުޓާޓޭ އެންމެ ފުރަތަމަވެސް ދައްކަވާފައިވަނީ މަސްތުވާތަކެއްޗާ ދެކޮޅަށް އަޅަންހުރި ފިޔަވަޅުތަކުގެ ވާހަކައެވެ. މަސްތުވާތަކެތި ބޭނުންކުރާ މީހުންނާ ދެކޮޅަށް ހަނގުރާމަކުރެއްވުމުގެ އިތުރުން ޑުޓާޓޭ ވަނީ ފުލުހުންގެ ތެރޭގައި އެކަން ހައްލުކުރުމަށް އޮންނަ ޔުނިޓާދެކޮޅަށްވެސް ހަރުކަށި ފިޔަވަޅުތަކެއް އަޅުއްވައި އެކަމުގައި ޝައްކުވާ މީހަކު ހުރިނަމަވެސް އަދަބު ދެއްވަވާފައެވެ.
Advertisement
This content is created and paid for by advertisers and does not involve Voice Journalists
