އުރީދޫ ކަރާ ފެޅުން މީމް ޗެލެންޖްގައި ބައިވެރިވެގެން މެލޭޝިއާ ދެކޮޅު ޓިކެޓު ހޯދުމުގެ ފުރުސަތު ހުޅުވާލައިފިއެވެ.

ރަމަޟާން މަހު އުރީދޫ މޯލްޑިވްސް އިން ތައާރަފު ކުރި ކަރާ ފެޅުން ގޭމާއި ގުޅިގެން ކަސްޓަމަރުންގެ އުފެއްދުންތެރި އަދި މަޖާ މީމްތައް މީސްމީޑިއާގައި އާއްމުވާން ފަށާފައުވާއިރު، މިކަމާއި ގުޅިގެން އުރީދޫ ކަރާ ފެން މީމް ޗެލެންޖް ވަނީ އިއުލާނު ކޮށްފައެވެ.

މި ޗެލެންޖުގައި އުރީދޫ އެޕް މެދުވެރިކޮށް ކަރާ ފެޅުމަށް ކަސްޓަމަރުން ކުރަމުންދާ ކަންކަމުގެ މަޖާ މީމްސް، ރީލް ނުވަތަ ޖިފް ބައިވެރި ކުރެވޭނެ ކަމަށާ އަދި ގުރުއަތުން ހޮވޭ ނަސީބުވެރި ފަރާތަކަށް ކޮންސިއާޖް ގްރޫޕް މޯލްޑިވްސްގެ ފަރާތުން ބަޓީކް އެއަރ މެދުވެރިކޮށް މެލޭޝިއާ ދެ ޓިކެޓް( ދެކޮޅު) ހޯދުމުގެ ފުރުސަތު ލިބިގެންދާނެ ކަމަށް އުރީދޫއިން މިއަދު ވަނީ އިއުލާން ކޮށްފައެވެ. 

ކަރާ ފެޅުން މީމް ޗެލެންޖް ގައި ބައިވެރިވުމުގެ ފުރުސަތު މާރިޗު މަހުގެ 31 ވަނަ ދުވަހުގެ 11:59 އާ ހަމައަށް ވަނީ ހުޅުވާލާފައެވެ. 

ޗެލެންޖުގައި ބައިވެރި ވުމަށް:

1) އެންޓްރީ ސޯޝަލް މީޑިއާގައި ޕޯސްޓް ކުރުން

2) ހޭޝްޓެގް #OoredooKaraaFelhun ބޭނުންކޮށްލާ 

3)  ޓެގް @ooredoomaldives އަދި @conciergegroupmaldives.mv

އުރީދޫއިން ބުނީ، ރާއްޖޭގައި ބަޓިކް އެއާގެ އެކްސްކްލޫސިވް ޖެނެރަލް ސޭލްސް އެޖެންޓް ކޮންސިއާޖް ގްރޫޕް މޯލްޑިވްސް އިން އުރީދޫ މޯލްޑިވްސްއާ ގުޅިގެން މި ޗެލެންޖަށް ހުށައަޅާފައިވާ އިނާމާއެކު މި ޗެލެންޖު އިތުރަށް ފުރިހަމަވެގެން ދާ ކަމަށެވެ. އަދި މި ޗެލެންޖެ މެދުވެރިކޮށް ކަސްޓަމަރުންގެ ހުނަރު ދައްކާލުމުގެ ފުރުސަތު ހުޅުވާލުމަކީ އުރީދޫއަށް ލިބޭ ވަރަށް ބޮޑު އުފަލެއް ކަމަށެވެ.