އިސްރާއީލް ސިފައިން މިފަހުން ޢައްޒާއަށް ދޭންފެށި ހަމަލާތަކުގައި އެންމެފަހުން އދގެ އޮފިޝަލުން ތިބޭ ގެސްޓްހައުސްއަކަށް ހަމަލާ ދީފިއެވެ.

އަލްޖަޒީރާއިން ބުނީ ޢައްޒާގައި ހުންނަ އދގެ ގެސްޓްހައުސްއަށް ދިން ހަމަލާތަކުގައި އެތަނުގައި އެވަގުތު ތުބި ދެ މީހަކު ވަރަށްބޮޑަށް ޒަހަމްވެގެން ފަރުވާދިނުމަށް ހޮސްޕިޓަލަށް ގެންގޮސްފައިވާކަމަށެވެ. އިސްރާއީލުން ހަމަލާ ދީފައިވަނީ ޢައްޒާގެ މެދުތެރޭގައި ހުންނަ ޑެއިރް އަލް ބަލާހްގައި ހުންނަ ގެސްޓްހައުސްއަކަށެވެ. އެތަނަކީ އިންސާނީ އެހީ ފޯރުކޮށްދޭ އދ ގެ އޮފިޝަލުން ތިބޭ ތަނެކެވެ. އެތަނުގައި އދ ގެ އިތުރުންވެސް ބައިނަލްއަޤްވާމީ އެކިއެކި ޖަމިއްޔާތަކުގެ އޮފިޝަލުން އުޅެއެވެ.

ޒަހަމްވުމާއެކު އެމީހުން އަލް އަޤްސާ ހޮސްޕިޓަލަށް ގެންގޮސްފައިވާއިރު، މިހާރުވެސް އެތަނުގައި އަވަސްފަރުވާ ދެނީ ވަރަށް ހާލުންކަމަށާއި، ސިއްހީ ފަރުވާ ދިނުމަށް ބޭނުންވާ އާލާތްތައް މުޅިންހެން ހުސްވެފައިވާކަމަށް އަލްޖަޒީރާއިން ވަނީ ރިޕޯޓްކޮށްފައެވެ.

އިސްރާއީލުން އދ ގެ ގެސްޓްހައުސްއަކަށް ހަމަލާދީފައިވާއިރު، ޢައްޒާގެ ހާލަތާ ބެހޭގޮތުން އީޔޫގެ އޮފިޝަލުން ވަނީ ޤައްޒާގެ ހާލަތު މިވަގުތު އޮތީ ބަލައިގަނެވޭނެ ފައްތަރެއްގައި ނޫންކަމަށް ވިދާޅުވެފައެވެ. މި މައްސަލާގައި އިސްރާއީލުން އަދި ވަކި އެއްޗެކޭ ބުނެފައެއް ނުވެއެވެ. 

ވޭތުވެދިޔަ 24 ގަޑިއިރުގެ ތެރޭގައި އިސްރާއީލުން ޢޭައްޒާއަށް ދިން ހަމަލާތަކުގައި އެތައް ސަކޭތަބަޔަކު ޝަހީދުކޮށްލިއިރު، ޤަތުލު އާންމު މެދުކަނޑާލުމަށް ވެވުނު އެއްބަސްވުމާ އިސްރާއީލުން ހިލާފްވެފައިވާއިރު، އިސްރާއީލުން ބުނަނީ ހަމަލާތައް ދިނުން އަދި އޮތީކަމަށެވެ.