ރާއްޖެއަށްސާފްބޯފެން ލިބޭނޭކަން ޔަޤީންކޮށްދިނުމަކީ އަދުގެ ސަރުކާރުގެ އެންމެ މުހިއްމު އެއް އަމާޒުގެ ތެރޭގައި ހިމެނޭ ކަމެއްކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.

ރައީސް ޑރ.މުއިއްޒު މިހެން ވިދާޅުވެފައިވަނީ މިއަދު ފާހަގަކުރަމުންދާ ބައިނަލްއަޤްވާމީ ފެނުގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައެވެ. މި ޕޯސްޓްގައި ރައީސް ޑރ.މުއިއްޒު ވަނީ ފެނުގެ ދުވަހުގެ ތަހުނިޔާ ހުރިހާ ދިވެހިންނަށާއި ބައިނަލްއަޤްވާމީ އެކި ފަރާތްތަކަށް ފޮނުއްވާފައެވެ.

ޕޯސްޓްގައި ރައީސް ޑރ.މުއިއްޒު ވިދާޅުވީ، ދެމެހެއްޓެނިވި ގޮތެއްގައި ރާއްޖެއަށް ސާފް ބޯފެން ލިބޭނޭކަން ޔަޤީންކުރުމަކީ ސަރުކާރުގެ އެންމެ މުހިއްމު އަމާޒުތަކުގެ ތެރޭގައި ހިމެނޭ ކަމެއް ކަމަށެވެ. މީގެ އިތުރުން ތިމާވެއްޓަށް ކުރިމަތިވަމުންދާ އެކިކަހަލަ ގެއްލުންތަކަށް ވަކާލާތުކުރުމުގައި ދެގޮތެއްނުވެ ދެމި އޮންނާނޭކަމަށް ރައީސްގެ ޕޯސްޓްގައި ފާހަގަކުރެއްވިއެވެ.

Advertisement

މިއަހަރުެގ ދުނިޔޭގެ ފެނުގެ ދުވަހުގެ ގޮތުގައި ކަނޑައަޅާފައިވާ ޝިއާރަކީ، "ގްލޭސިއާ ޕްރިވެންޝަން" އެވެ. 

ކޮންމެ އަހަރެއްގެވެސް މާރޗްމަހުގެ 22 ވަނަ ދުވަސް ފާހަގަކުރަނީ ބައިނަލްއަޤްވާމީ ގޮތުން ފާހަގަކުރާ ދުނިޔޭގެ ފެނުގެ ދުވަހުގެ ގޮތުގައެވެ.