ރޯދަ މަހު ދިވެހީންގެ ދިރިއުޅުން ދުނިޔެއަށް ދައްކައި ދިނުމަށާއި މެދުއިރުމަތިން އަންނަ ފަތުރުވެރިން އިތުރުކުރުމަށް މަޝްހޫރު އެމިރާޓީ އިންފްލުއެންސާ ހާލިދު އަލް އަމޭރީ ރާއްޖެ ގެނެސްފި އެވެ.

ހާލިދު ރާއްޖެ ގެނެސްފައިވަނީ ވިޒިޓް މޯލްޑިވްސް އިންނެވެ. ހާލިދު ރާއްޖޭގައި ހުންނާނީ މިމަހުގެ 22 އިން 26 އަށެވެ. މިއީ މެދުއިރުމަތީގެ ބޮޑު އޯޑިއަންސަކަށް ރާއްޖޭގެ ތަފާތު ރީތިކަމާއި މުއްސަނދި ސަގާފީ ތަރިކަ ދައްކާލުމުގެ މަގުސަދުގައި ކުރިއަށްގެންދާ ހަރަކާތެކެވެ.

މިގޮތުން މެދުއިރުމައްޗާއި ޖީސީސީ ސަރަހައްދުގެ ފަތުރުވެރިންނަށް އަމާޒުކޮށްގެން އެންމެ ފަހު ވަގުތުގެ ބުކިންތަކަށް ރާއްޖެއަކީ އެންމެ ރަނގަޅު ގެޓްއަވޭއެއްގެ ގޮތުގައި އޭނާގެ ހިތްގައިމު ޕޯސްޓްތަކުން ފާހަގަވެގެންދާނެ އެވެ.

Advertisement

ސޯޝަލް މީޑިއާ ޕްލެޓްފޯމްތަކުގައި 21 މިލިއަނަށްވުރެ ގިނަ ފޮލޯވަރުން ގެންގުޅޭ ސްޓެންފޯޑް ޔުނިވާސިޓީގެ ގްރެޖުއޭޓެއެއް ކަމަށްވާ ޚާލިދު އަލް އަމެރީ ފާހަގަވެފައިވަނީ ސަގާފީ ތަފާތުތައް ނައްތާލައި އިސްލާމީ އާދަކާދަތަކާއި މުޖުތަމައުގެ އަސާސްތައް ފުޅާކުރުމުގެ ކުޅަދާނަ އިންފްލުއެއްސަރެއްގެ ގޮތުގައެވެ. މެދުއިރުމަތީގެ މާކެޓުގެ ތެރޭގައި އޭނާގެ މަސައްކަތްތައް ވަރަށް ބޮޑަށް ގުގުމާލާފައިވުމާއެކު ރާއްޖޭގެ ތަފާތު ހުށަހެޅުންތައް ދައްކާލުމަށް އޭނާ އަކީ ވަރަށް އެކަށީގެންވާ ބައިވެރިއެކެވެ.

ގަލްފް ބިޒްނަސް "100 މޯސްޓް ޕަވާފުލް އަރަބްސް" ލިސްޓުގައި ފާހަގަކޮށްލެވޭ ޝަހުސިއްޔަތެއް ކަމަށްވާ ޚާލިދު ގެންދަނީ އޭނާގެ ހިތްގައިމު އަދި މަޖާ ކޮންޓެންޓްގެ ޒަރިއްޔާއިން ދުނިޔޭގެ އެކި ކަންކޮޅުތަކުގައި މީހުން އެއްބައިވަންތަ ކުރަމުންނެވެ. ޑައުންޓައުން ދުބާއީ ވޯކް އޮފް ފޭމްއިން ދުބާއީ ސްޓާއެއް ލިބުނު ފުރަތަމަ ސޯޝަލް މީޑިއާ ޝަހުސިއްޔަތުގެ ހައިސިއްޔަތުން އޭނާ އަންނަނީ ޑިޖިޓަލް ސްޕޭސްގެ ވާހަކަތައް ބައްޓަން ކުރަމުންނެވެ.

ހާލިދު ރާއްޖޭގައި 

މި ދަތުރުގެ މައިގަނޑު މަގްސަދަކީ ޚާލިދުގެ ނުފޫޒުގަދަ ސޯޝަލް މީޑިއާ ޕްލެޓްފޯމްތައް މެދުވެރިކޮށް ރާއްޖެ އަކީ އެންމެ ދާން ރަނގަޅު މަންޒިލުގެ ގޮތުގައި އިޝްތިހާރުކޮށް، ދިވެހި ސަގާފަތް ދައްކާލުމެވެ. މިވަގުތު 3.9 އިންސައްތަ މާކެޓް ހިއްސާ އޮތް މެދުއިރުމަތީގެ ގައުމުތަކުން 2024 ވަނަ އަހަރު ރާއްޖެއަށް 79،000 އަށްވުރެ ގިނަ ފަތުރުވެރިން ޒިޔާރަތްކޮށްފައިވެއެވެ.

މި ކެމްޕޭނަކީ ވިޒިޓް މޯލްޑިވްސްއިން މިއީ މެދުއިރުމަތީގެ މާކެޓަށް ދޭ ސްޓްރެޓެޖިކް ފޯކަސްއާ ގުޅިފައިވާ ހަރަކާތަކަށްވެފައި، މުހިންމު މާކެޓުތަކުގެ ލީޑިން އިންފްލުއެންސަރުންނާއި ބްރޭންޑް އެމްބެސެޑަރުންނާ ގުޅިގެން ކުރިއަށް ގެންދާ ސްޓްރެޓެޖީގެ ދަށުން ކުރިއަށް ގެންދާ ކެމްޕެއިނެކެވެ. މެދުއިރުމަތީގެ ބެލުންތެރިންނާއެކު ޚާލިދުގެ ގާތް ގުޅުމުގެ ބޭނުންހިފާ، އެންމެ ފަހު ވަގުތު ދަތުރުކުރުމުގައި އެންމެ ރަނގަޅު މަންޒިލުގެ ގޮތުގައި ރާއްޖޭގެ ދުނިޔޭގެ ފެންވަރުގެ މެހެމާންދާރީއާއި ހިތްގައިމު މަންޒަރުތަކާއި ސަގާފީ މުއްސަނދިކަން ޕްރޮމޯޓުކުރުމަށް މަގުފަހިވެގެންދާނެއެވެ. 

ޚާލިދުގެ މި ދަތުރުގައި ފޭސްބުކާއި އިންސްޓަގްރާމްގައި ކޮންމެ ދުވަހަކު ޕޯސްޓްކޮށް ހިތްގައިމު ކޮންޓެންޓް ޕީސްތަކެއް އުފައްދާނެއެވެ. މީގެތެރޭގައި ވީޑިއޯ އަދި ފޮޓޯ ޕޯސްޓްތަކާއި ކެރޯސަލް އަދި އެކި ޕްލެޓްފޯމްތަކުގައި ކޮމިއުނިޓީ ޕޯސްޓްތައް ޝާއިއުކުރާނެއެވެ. މި ޕޯސްޓުތަކުގައި ރާއްޖޭގައި ރަމަޟާން މަހު ޚާލިދުގެ އަމިއްލަ ތަޖުރިބާތައް ދައްކުވައިދީ، ގޮނޑުދޮށުގައި ރޯދަވީއްލުން ފަދަ ރާއްޖޭގެ ސަގާފީ އާދަކާދަތަކާއި މެދުއިރުމަތީގެ ފަތުރުވެރިންނަށް ހާއްސަ ލަގްޒަރީ ސްޓޭތަކަށް އަލިއަޅުވާލާނެއެވެ. ހަލާލް ދަތުރުފަތުރާއި ސަގާފީ ތަޖުރިބާތަކަށް ހާއްސަ ސަމާލުކަމެއް ދީގެން ރާއްޖޭގެ ހިތްގައިމު މަންޒަޔުތަކާއި މެހެމާންދާރީ އާއި ހިތްގައިމު ދިވެހި އާދަކާދަތައް ދައްކުވައިދޭ މި ޕޯސްޓުތައް މަދުވެގެން 3.2 މިލިއަން ބެލުންތެރިންނާ ހަމައަށް ފޯރާނެ ކަމަށް ބެލެވެއެވެ.

މި ފެމް ޓްރިޕްއަކީ ވިޒިޓް މޯލްޑިވްސްއިން އިންފްލުއެންސަރުން އެކްޓިވޭޓްކޮށްގެން ކުރިއަށް ގެންދާ ކެމްޕެއިންތަކުގެ ތެރެއިން ދުނިޔޭގެ އެކި މާކެޓްތަކުން ރާއްޖެއަށް ލިބޭ ޝައުގުވެރިކަން އިތުރަށް ވަރުގަދަކުރުމުގެ ގޮތުން ކުރިއަށްގެންދާ އެއް ހަރަކާތެކެވެ. ޚާލިދުގެ ނުފޫޒާއި ވާހަކަ ދެއްކުމުގެ ހުނަރާއި އެކު، މި އީދަށް ދަތުރުކޮށްލަން އެންމެ ހިތްގައިމު އަދި ލަގްޒަރީ ގެޓްއަވޭގޮތުގައި ރާއްޖެ ދައްކާލާނެއެވެ.