ހުޅުމާލެ ޑިވެލޮޕްމަންޓް ކޯޕަރޭޝަން، (އެޗްޑިސީ) އާއި މަންފާ ޖަމިއްޔާ ގުޅިގެން ކުރިއަށްގެންދާ ޢީދު ހަވީރު ހުޅުމާލޭ ސެންޓްރަލް ޕާކްގައި ބޭއްވުމަށް ނިންމައިފިއެވެ.
މިކަމާ ގުޅޭގޮތުން އެޗްޑީސީން އެކްސްގައި ކުރި ޕޯސްޓެއްގައި ބުނެފައިވަނީ، މަންފާ ޖަމިއްޔާ އާ ގުޅިގެން ޢީދު އުފާ ފާހަގަކުރުމުގެ ގޮތުން ސެންޓްރަލް ޕާކްގައި ކުރިއަށްގެންދިއުމަށް ހަމަޖެހިފައިވާ ޢީދު ފެސްޓިވަލް ފެށުމަށް ހަމަޖެހިފައިވަނީ ޢީދު ދުވަހުގެ ހަވީރު 16:00 ގައި ކަމަށެވެ. އެޗްޑިސީން ބުނީ އީދު ފެސްޓިވަލްގެ ހަރަކާތްތައް ހަވީރު 17:45 ހަކާ ހަމަޔަށް ކުރިއަށްގެންދާނޭކަމަށެވެ.
ޢީދު ފެސްޓިވަލަށް ތައްޔާރުވުމުގެ ގޮތުން އެޗްޑީސީގެ މުއައްޒަފުން ގެންދަނީ ވަރަށްބޮޑަށް ތައްޔާރުވަުންނެވެ. މިގޮތުން އެޗްޑިސީން އީދު ފެސްޓިވަލް ރާވާފައިވަނީ ކުޑަކުދިންނަށް ބައިވެރިވެވޭނޭ ކަހަލަ އެކިއެކި ކުޅިވަރުތައް ހިމައިގެންނެވެ. މީގެ އިތުރުން ޢީދު ފެސްޓިވަލްގެ ތެރޭގައި، ކުޑަކުދިންނަށް ހަދިޔާ ދިނުންވެސް ކުރިއަށްދާނޭކަމަށް އެޗްޑިސީން ބުނެއެވެ.
ހުޅުމާލެ ސެންޓްރަލް ޕާކްގައި މީގެކުރިން ޢީދު ފާހަގަކުރުމަށް ބޭއްވި ހަރަކާތުގެ ތެރެއިން..
ޢީދު ފެސްޓިވަލްގެ އިތުރުން އެޗްޑީސީން ގެންދަނީ ތަފާތުއެކި ކުލަ ބޮކިތަކުން ހުޅުމާލެ ދިއްލާލުމުގެ ކަންކަންވެސް ކުރަމުންނެވެ. މިދިޔަ އީދުގައިވެސް ކުލަބޮކިތަކުން ހުޅުމާލެ ދިއްލާލިއިރު، އެކަމަށް ކުދިބޮޑު އެންމެންގެ ފަރާތުން ވަރަށްބޮޑު ޝައުގުވެރިކަމެއް ލިބިގެންދިޔަކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
