Advertisement

އަމިއްލަ ދަނޑުގައި ޖިރޯނާ އަތުން ބާސެލޯނާއަށް ފަސޭހަ މޮޅެެއް

31 Mar 2025 | 06:40
ބާސެލޯނާ ކުޅުންތެރިން ޖިރޯނާ ކޮޅަށް ލަނޑުޖެހުމަށްފަހު އުފާފާޅުކުރަނީ..

ސްޕެނިޝް ލަލީގާގައި އާދިއްތަ ދުވަހުގެ ރޭ އަމިއްލަ ދަނޑުގައި ޖިރޯނާއި ދެކޮޅަށް ކުޅުނު މެޗު ފަސޭހަކަމާއެކު 4-1 ގެ ނަތީޖާއަކުން ކާމިޔާބުކޮށް ބާސެލޯނާ އިން ލީގު ތާވަލުގެ ކުރީގައި ތިން ޕޮއިންޓްގެ ލީޑެއް ނަގައިފިއެވެ.

މިނަތީޖާއެކު ލީގުގައި ކުޅުނު 29 މެޗުން ބާސެލޯނާއަށް 66 ޕޮއިންޓް ލިބިފައިވާއިރު، ތިން ޕޮއިންޓްގެ ލީޑަކާއެކު އެޓީމު މިވަގުތު އޮތީ ލީގު ތާވަލުގެ އެއްވަނައިގައެވެ. އަދި މިމެޗުން ބަލިވި ޖިރޯނާ އިން ލީގުގައި ކުޅުނު 29 މެޗުން ލިބުނު 34 ޕޮއިންޓާއެކު އެޓީމު މިވަގުތު އޮތީ ލީގު ތާވަލުގެ 13 ވަނައިގައެވެ.

ލީގުގައި ބާސެލޯނާ އެންމެ ފަހުން ކުޅުނު މެޗުގައި 3-0 ގެ ނަތީޖާއަކުން އޮސަސޫނާ އަތުން މޮޅުވެފައިވާއިރު، ޖިރޯނާ އިން އެންމެ ފަހުން ވެލެންސިއާ އާއި ދެކޮޅަށް ކުޅުނު މެޗު ނިމިފައިވަނީ 1-1 ގެ ނަތީޖާއަކުން ދެޓީމު އެއްވަރުވެފައި އޮވެގެންނެވެ. އަދި މިދެޓީމު އެންމެ ފަހުން ކުޅުނު މެޗު ވެސް ބާސެލޯނާ އިން ކާމިޔާބުކޮށްފައި ވަނީ 4-1 ގެ ނަތީޖާއަކުންނެއެވެ.

Advertisement

އިންޓަނޭޝަނަލް ބުރޭކަށްފަހު ބާސެލޯނާ އިން ފާއިތުވެދިޔަ ތިން ދުވަސް ތެރޭގައި ކުޅުނު ދެވަނަ މެޗުގައި ވެސް އެޓީމުގެ ބްރެޒިލް ފޯވާޑް ރަފީނިއާގެ ކުޅެފައި ނުވާއިރު، އަނިޔާގެ ސަބަބުން އޮސަސޫނާއި ދެކޮޅަށް ކުޅުނު މެޗުގައި ނުކުޅޭ ޒުވާން ޑިފެންޑަރު ޕައުލޯ ކުބާސީ ވަނީ މިމެޗުގެ ފަހު 10 މިނެޓުގައި ކުޅެފައެވެ.

މެޗުގެ ފުރަތަމަ ހާފުގައި މޮޅަށް ކުޅެ ބާސެލޯނާ އިން މެޗު ޑޮމިނޭޓްކުރިއިރު، އެޓީމުން މެޗުގެ ލީޑުހޯދީ ފުރަތަމަ ހާފުގެ 43 ވަނަ މިނެޓުގައެވެ. މިލަނޑަކީ ޖިރޯނާގެ ޕެނަލްޓީ އޭރިއާ ބޭރުން ބާސެލޯނާއަށް ލިބުނު ހިލޭ ޖެހުމެއްގައި އެޓީމުގެ ލަމީން ޔަމާލް ކުރިއަށް ފޮނުވާލި ބޯޅަ ދިފާއިކުރަން އުޅުމުގެ ތެރޭގައި ޖިރޯނާގެ ކުޅުންތެރިއެއް އަތުން ބައިކޮޅަށް ވަން ލަނޑެކެވެ.

މިލަނޑާއެކު ފުރަތަަމަ ހާފުގެ ކުޅުން ނިމިގެންދިޔައީ 1-0 ގެ ނަތީޖާއަކުން ބާސެލޯނާ ކުރީގައި އޮވެގެންނެވެ. ނަމަވެސް ދެވަނަ ހާފު ފެށިގެން އަށްވަަނަ މިނެޓުގައި ޖިރޯނާ އިން ވަނީ ލަނޑެއް ކާމިޔާބުކޮށް މެޗުގެ ނަތީޖާ އެއްވަރުކުރި އެވެ. މިލަނޑެ އެޓީމަށް ކާމިޔާބުކޮށްދިނީ ފޯވާޑް އަރްނަޓް ޑަންޖޫމާ އެވެ.

ބާސެލޯނާ އިން ދެވަނަ ފަހަރަށް ލީޑުހޯދި ލަނޑު ފަހުހާގެ 61 ވަނަ މިނެޓުގައި ތަޖުރިބާކާރު ފޯވާޑް ރޮބަޓް ލެވަންޑޮސްކީ ކާމިޔާބުކޮށްދިންއިރު، މެޗުގެ 77 ވަނަ މިނެޓުގައި އެޓީމުގެ ލީޑު ފުޅާކޮށްދިނީ ވެސް ލެވަންޑޮސްކީ އެވެ. އަދި މިމެޗުގައި ކާމިޔާބުކުރި ދެލަނޑާއެކު ލީގުގައި އެންމެ ފަހުން ކުޅުނު 28 މެޗުގައި ލެވަންޑޮސްކީ ކާމިޔާބުކުރި ލަނޑުގެ އަދަދު ވަނީ 25 އަށް އަރާފައެވެ.

މީގެ އިތުރުން އެޓީމުގެ ހަތަރުވަނަ ލަނޑު ފަހުހާފުގެ 86 ވަނަ މިނެޓުގައި ކާމިޔާބުކޮށްދިނީ ދެވަނަ ހާފުގައި ބަދަލު ކުޅުންތެރިއެއްގެ ގޮތުގައި ކުޅެން ނިކުތް ފެރާން ޓޮރޭސް އެވެ. އަދި މިލަނޑާއެކު މެޗުގެ ކުޅުން ނިމިގެން ގޮސްފައިވަނީ 4-1 ގެ ނަތީޖާއަކުން ބާސެލޯނާ ކުރީގައި އޮވެގެންނެވެ.


Advertisement

ކޮމެންޓް

Advertisement

Advertisement

ގުޅޭ ލިޔުންތައް
02 Apr 2025
ފަތުރުވެރިކަން އިސްތިހާރު ކުރުމަށް ލިވަޕޫލާއެކު ކުރިއަށް ގެންދާ ކެމްޕޭން ހަރަކާތް ފެށުމުގައި ބައިވެރިވެވަޑައިގަތުމަށް ރައީސް ޔޫކޭއަށް
01 Apr 2025
މަޖިލީހަަށް ވަނީ އެތައް މިލިއަނެއް ހަރަދުކޮށްގެން، މުސާރަ ކުޑަކޮށްފިނަމަ ދަރަނިވެރިވާނެ: ފަލާހް
01 Apr 2025
އެމެރިކާއެއްކަމަކު އީރާނަށް ބިރުދައްކައި އިންޒާރުދީގެން ނުވާނެ: ރަޝިއާ
01 Apr 2025
އެއްވެސް ކެޕިޓަލްއަކާ ނުލައި، އަމިއްލަ ވިޔަފާރިއެއް ފެށުމަށް އީޒެޕުން ޒުވާނުންނަށް ހުޅުވާލައިފި!
01 Apr 2025
އިންޑިއާގެ އަސްކަރިއްޔާއަށް ގިނަ އަދަދެއްގެ ހެލިކޮޕްޓަރު ގަންނަނީ
01 Apr 2025
މިނިވަންކަމާއި ސިޔާދަތު ރައްކާތެރިކުރުމަށް ހިންގާ އިންވެސްޓްމަންޓްތަކުގެ އަގު 1.5 ބިލިއަން ރުފިޔާއަށް ބޮޑުކޮށްފި
01 Apr 2025
ނިލަންދޫ ނަރުދަމާ ނިޒާމް އަލުން ޤާއިމްކުރުމަށް ކުރަންޖެހޭ މަސައްކަތްތައް ފަށައިފިން: މަތީން
01 Apr 2025
ހާމިދުގެ ހެޓްރިކާއެކު ސްޓްރީޓް ބްރޯސް އިން މުބާރާތުގެ ފުރަތަމަ މޮޅު ހޯދައިފި