ފިތުރު ޢީދު ފާހަގަކުރުމުގެ ގޮތުން ސަލްޓަންޕާކް ސަރަހައްދުގައި ބޭއްވުމަށް ހަމަޖެހިފައިވާ އީދު އުފާ ހަރަކާތުގައި ރޯޑް ޑިވެލޮޕްމަންޓް ކޯޕަރޭޝަނުގެ ހާއްސަ ސްޓޯލެއް ހުންނާނޭކަަށް އެކުންފުނިން ބުނެފިއެވެ.
އާރުޑީސީން ބުނީ ސަލްޓަންޕާކްގައި އާރުޑީސީގެ ސްޓޯލެއް ހަދާފައިވާއިރު އެ ސްޓޯލް ފަރުމާކޮށްފައިވަނީ ކުޑަކުދިންނަށް ހާއްސަ ކާނިވަލެއްގޮތަށްކަމަށެވެ. މިގޮތުން އާރުޑީސީގެ ސްޓޯލްގައި ކުޑަކުދިންނަށް ބައިވެރިވެވޭނޭހެން ތަފާތު ގޭމުތައް ކުޅުމުގެ ފުރުސަތު އޮންނާނޭކަމަށް އާރުޑީސީން ބުންޏެވެ.
މިގޮތުން އާރުޑީސީ ސްޓޯލްގައި މަސްބޭނުމާއި ހަދިޔާބެހުންފަދަ ހަރަކާތްތައް އޮންނާނޭކަަމަށް އާރުޑީސީން ބުނެއެވެ.
ދައުލަތުގެ ބައެއް މުއައްސަސާތައް ގުޅިގެން ކުރިއަށްއޮތް ޢީދު ދުވަހު މާލެސިޓީގައި ހާއްސަ ހަވީރެއް ބޭއްވުމަށް ހަމަޖެހިފައިވާއިރު، އީދުހަވީރު ކުރިއަށްދާނީ މާލޭ ސަލްޓަންޕާކުން ފެށިގެން، އިސްލާމީ މަރުކަޒުގެ މައިދާނާއި، ޖުމްހޫރީ މައިދާނާއި، ރަސްމީ ބޮޑުފާލަމުގެ ސަރަހައްދު ހިމެނޭހެން އެކަމަށް ތައްޔާރުކުރެވިފައިވާ ބޮޑު ސަރަހައްދެއްގައެވެ.
Advertisement
This content is created and paid for by advertisers and does not involve Voice Journalists
