ފަލަސްޠީނަށް ތާއީދުކޮށް އިހުތިޖާޖުކުރި މައިކްރޮސޮފްޓުގެ ދެ މުވައްޒަފުން ވަޒީފާއިން ވަކިކޮށްފިއެވެ. 

މައިކްރޯސޮފްޓުގެ 50 އަހަރު ފާހަގަކުރުމުގެ ޙަފްލާގައި، އެ ކުންފުނީގެ ދެ މުވައްޒަފަކުވަނީ ކުންފުނިން އިސްރާއީލުގެ ސިފައިންނާ ގުޅުން ބާއްވާތީ އެކަމާ ދެކޮޅަށް އިހުތިޖާޖުކޮށްފައެވެ. 

އެގޮތުން، މައިކްރޯސޮފްޓުގެ އޭއައި ޑިވިޜަންގައި މަސައްކަތްކުރި އިބްތިހާލް އަބޫސާދު ވަނީ، ކުންފުނީގެ ސީއީއޯ މުސްޠަފާ ސުލައިމާންގެ މުހިންމު ތަޤުރީރެއް މެދުކަނޑުވާލައި، އޭނާއަކީ "ޤަތުލްޢާއްމުގެ ފައިދާ ނަގާ މީހެއް" ކަމަށް ބުނެ، ކުންފުނިން "ނަސްލު ނައްތާލުމަށް ބާރުދޭ" ކަމަށް ތުހުމަތުކޮށްފައެވެ. އެއާއެކު އިބްތިހާލް ވަނީ އެ ވަގުތުން ވަޒީފާއިން ވަކިކޮށްފައެވެ.

Advertisement

މީގެ އިތުރުން، ވަނިޔާ އަގްރަވާލް ވެސް ކުންފުނީގެ ސީއީއޯ ސަތްޔާ ނަދެއްލާގެ ސެޝަނެއްގައި އިހުތިޖާޖުކުރިއެވެ.

އޭނާ އެ ކުންފުނިން އިސްތިޢުފާ ދިނުމަށް ހުށަހަޅާފައި ވާއިރު، މައިކްރޯސޮފްޓުން ވަނީ އޭނާގެ ވަޒީފާ ނިމުމަކަށް ގެނައުން އަވަސްކޮށް ވަގުތުން ވަޒީފާއިން ވަކިކޮށްފައެވެ. އަދި، އޭނާގެ އަމަލަކީ ނޭދެވޭ އަދި ހަމަޖެހުން ގެއްލޭފަދަ އަމަލެއް ކަމަށް އެކުންފުނިން ބުނެފައިވެއެވެ.