މޯލްޑިވްސް ޕޮލިސް ސަރވިސްއިން މިއަދު ހުޅުމާލެ ފޭސް 1 ގައި ޚާއްސަ އޮޕަރޭޝަނަލް ޓްރެއިނިންގ އެކްސަސައިޒެއް ކުރިއަށް ގެންދާނެ ކަމަށް އެ ސަރވިސްއިން އިއުލާން ކޮށްފިއެވެ.
ފުލުހުންގެ އެކްސް އެކައުންޓުގައި ކުރި ޕޯސްޓެއްގައި ބުނެފައިވާ ގޮތުގައި މި އެކްސަސައިޒް ކުރިއަށްދާނީ މިއަދު މެންދުރުފަހު 2:00 އިން ހަވީރު 5:00 އަށެވެ.
މި އެކްސަސައިޒްގައި ބައިވެރިވާނީ ފުލުހުންގެ ސްޕެޝަލިސްޓް ރެސްޕޮންސް ޓީމުތަކެވެ.
މިއީ ފުލުހުންގެ އޮޕަރޭޝަނަލް ތައްޔާރީތައް އިތުރަށް ހަރުދަނާކޮށް، އެކި ފަރާތްތަކުގެ މެދުގައި ކޯޑިނޭޝަން ރަނގަޅުކުރުމަށް ކުރިއަށްގެންދާ މަސައްކަތްތަކުގެ ތެރެއިން ބާއްވާ އެކްސަސައިޒެއް ކަމަށް ފުލުހުން ބުނެފައިވެއެވެ.
މި އެކްސަސައިޒް ކުރިއަށްދާ ވަގުތުގައި އާންމު ރައްޔިތުންގެ އެއްބާރުލުމާއި އެހީތެރިކަމަށް ފުލުހުން އެދިފައިވެއެވެ.
އަދި މި ވަގުތުތަކުގައި ފެންނަ ޙަރަކާތްތަކަކީ ރޭވިގެން ކުރިއަށްގެންދާ ތަމްރީނެއްގެ ބައެއް ކަމަށްވާތީ، އެކަމާ ކަންބޮޑުނުވުމަށް ވެސް އާންމުންނަށް އިލްތިމާސްކޮށްފައިވެއެވެ.
މި އެކްސަސައިޒްގެ މަޤްޞަދަކީ ކުއްލި ޙާލަތްތަކުގައި އަޅަންޖެހޭ ފިޔަވަޅުތައް އަޅުމުގެ ޤާބިލުކަން އިތުރުކުރުން ކަމަށް ފުލުހުން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
