އުރީދޫ ނޭޝަންގެ އިންޓަރ ރިސޯޓް އީ-ސްޕޯޓްސް ޗެމްޕިއަންޝިޕް ގައި ބައިވެރިވުމުގެ ފުރުސަތު ހުޅުވާލައިފިއެވެ.

އުރީދޫއިން ބުނީ މި މުބާރާތް ކުރިއަށްގެންދިއުމަށް ހަމަޖެހިފައިވަނީ، އޭޕްރީލް މަހުގެ 27 އިން 30 ވަނަ ދުވަހުގެ ނިޔަލަށް ކަމަށެވެ. އެގޮތުން ހުރިހާ ރިސޯޓްތަކަށްވެސް ފުރުސަތު ހުޅުވާލާފައިވާކަމަށް އެކުންފުނިން ބުންޏެވެ. އޮންލައިން ކޮށް ބޭއްވުމަށް ނިންމާފައިވާ މި މުބާރާތުގައި ޖުމްލަ 20،000 ރުފިޔާގެ އިނާމު ޕޫލެއް ލިބެއެވެ.

މީގެ އިތުރުން ޕަބްޖީ އަށް އަދި މޮބައިލް ލެޖެންޑްސް އަށް 10،000 ރުފިޔާ ވަނީ ކަނޑައަޅާފަ އެވެ. މި ޕްރައިޒް ޕޫލް ބަހާލެވިފައިވަނީ އެއްވަނައަށްދާ ފަރާތަކަށް 5000 ރުފިޔާ، ދެވަނައަށްދާ ފަރާތަކަށް 3000 ރުފިޔާ، އަދި ތިންވަނައަށްދާ ފަރާތަކަށް 2000 ރުފިޔާއެވެ. ރާއްޖޭގެ އެކި ކަންކޮޅުތަކުގައި ރިސޯޓް މުވައްޒަފުންނަށް ހާއްސަކޮށްގެން ފަރުމާކޮށްފައިވާ މި މުބާރާތުގައި ދުނިޔޭގެ އެންމެ މަގުބޫލު ދެ މޮބައިލް ގޭމް ކަމަށްވާ ޕަބްޖީ މޮބައިލް އަދި މޮބައިލް ލެޖެންޑްސް، ބޭންގް ބޭންގް (އެމްއެލްބީބީ) ގައި ވާދަކުރެވޭނޭކަމަށް އުރީދޫއިން ބުނެއެވެ.

Advertisement

އުރީދޫއިން ބުނީ މިފަދަ މުބާރާތެއް ކުރިއަށްގެންދިއުމަށް ނިންމީ މުބާރާތުގެ ތެރެއިން އެކުވެރިކަމާއި ޓީމްވޯކް އަދި ޑިޖިޓަލް އެންގޭޖްމަންޓް އިތުރުކުރުމުގެ ބޭނުމުގައި ކަމަށެވެ. އެގޮތުން މިއީ ޓްރެޑިޝަނަލް ހޮސްޕިޓާލިޓީ ސެޓިންގެ ބޭރުން ރިސޯޓް މުވައްޒަފުންގެ ހުނަރާއި އުފެއްދުންތެރިކަމާއި ކުޅިވަރުގެ ހުނަރު ދައްކުވައިދޭނެ ހަރަކާތެއްކަމަށް އެކުންފުނިން ބުނެއެވެ. ރިސޯޓް ކޮމިއުނިޓީތަކުގެ މެދުގައި ވާދަވެރި ގޭމިންއަށް ޝައުގުވެރިކަން އިތުރުވަމުންދާކަމަށް އުރީދޫއިން ފާހަގަކުރެއެވެ.