އިމިގްރޭޝަނުން ކުރިއަށްގެންދިޔަ އޮޕަރޭޝަނެއްގައި ޤަވައިދާ ހިލާފަށް މާލޭގައި އުޅުނު 13 ބިދޭސީއަކު އަތުލައިގަނެފިއެވެ.
މިއީ ރާއްޖޭގައި ޤަވައިދާ ހިލާފަށް އުޅޭ ބިދޭސީން ދެނެގަތުމަށް އިމިގްރޭޝަނާއި ޓާސްކު ފޯސްއިން ކުރަމުންދާ މަސައްކަތުގެ ތެރެއިން އިއްޔެ މާފަންނު ބޮޑިބަތް ޕަކާއި ޒިކުރާ މިސްކިތު ކައިރީގައި ހަރާކާތްތެރި ވަމުން ދިޔަ 35 ބިދޭސީއަކު ބަލައި ފާސްކުރުމުގެ ތެރެއިން އަތުލައިގަތް 13 ބިދޭސީންނެވެ.
މި މަހުގެ 24 ވަނަ ދުވަހު ވެސް އެ ކޮމިޝަނުން ވަނީ 51 ބިދޭސިން އދ ދަނގެތިން އަތުލައިގަނެފިއެވެ.
ރާއްޖޭގައި ޤަވާއިދާ ހިލާފަށް އުޅެމުންދާ ބިދޭސީން ހޯދުމަށް އިމިގްރޭޝަނުން އަންނަނީ ސަރުކާރުގެ ކަމާބެހޭ އިދާރާތަކާ ގުޅިގެން ހާއްސަ އޮޕަރޭޝަނެއް ހިންގަމުންނެވެ. މި އޮޕަރޭޝަނުގެ ދަށުން މާލެ އަދި ހުޅުމާލޭގައި ނުގަވައިދުން އުޅުނު ގިނަ އަދަދެއްގެ ބިދޭސީން އިމިގްރޭޝަނުގެ ބެލުމުގެ ދަށަށް ވަނީ ގެންގޮސްފައެވެ.
ސަރުކާރުގެ މިވީ މުއްދަތުގެ ތެރޭގައި، ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމަށް، ވަރަށް ގިނަ ތަންތަން ބަލައި ފާސްކޮށް، ބިދޭސީން ޑިޕޯޓްކޮށް، އެމީހުން ގަވާއިދާ ޚިލާފަށް ހިންގަމުންއައި ވިޔަފާރިތައް ވަނީ ބަންދުކޮށްފައެވެ. މިގޮތުން، މި މަސައްކަތުގެ ތެރެއިން މިހާތަނަށް ގަވާއިދާއި ޚިލާފަށް ރާއްޖޭގައި ދިރިއުޅެމުންދާ 5000 އަށްވުރެ ގިނަ ބިދޭސީން ޑިޕޯޓްކުރެވިފައިވާ ކަމަށް އިމިގްރޭޝަނުން ވަނީ މީގެ ކުރިން ބުނެފައެވެ.
Advertisement
This content is created and paid for by advertisers and does not involve Voice Journalists
