ޔުމްނު ރަޝީދު ވެއްޓުނު ހާދިސާ ތަހުގީގު ކުރުމަށް ރައީސް ޑރ. މުހައްމަދު މުއިއްޒު އުފެއްދި ރިޔާސީ ކޮމިޝަނަށް އިތުރު މެމްބަރުންތަކެއް އައްޔަނުކުރައްވައިފިއެވެ.

ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީގެ 115 ވަނަ މާއްދާގެ (ގ) އިން ރައީސުލްޖުމްހޫރިއްޔާއަށް ލިބިދޭ އިހްތިޔާރުގެ ދަށުން ރައީސުލްޖުމްހޫރިއްޔާ އުފެއްދެވި މި ކޮމިޝަނަށް އެންމެފުރަތަމަ އައްޔަނުކުރެއްވި ތިން ބޭފުޅުންނަކީ، ކުރީގެ ބަންޑާރަ ނައިބު، ޑރ. މުޙައްމަދު މުނައްވަރާއި، ބްރިގޭޑިއަރ ޖެނެރަލް ރިޓަޔަޑް އަޙްމަދު މުޙައްމަދުގެ އިތުރުން މެޑިކަލް ޑޮކްޓަރެއްކަމަށްވާ ޑރ.މުޙައްމަދު ޙަބީބެވެ.

މައުލޫމާތު ލިބިފައިވާ ގޮތުގައި ކޮމިޝަނުން ޑރ.ހަބީބު އިސްތިއުފާ ދެއްވާފައިވަނީ، މައްސަލައިގެ ހައްޔަރުގައި ހުރި ރައުދުއާއި އާއިލީ ގޮތުން ގުޅުން އޮންނާތީއެވެ.

Advertisement

މީގެ ތެރެއިން އީނާސް ވަނީ، ހިއުމަންރައިޓްސް ކޮމިޝަން އޮފް ދަ މޯލްޑިވްސްގެ ރައީސްކަމުގެ މަޤާމު ފުރުއްވާފައެވެ. 

ރިޔާސީ ކޮމިޝަން ރައީސުލްޖުމްހޫރިއްޔާ އުފައްދަވާފައިވަނީ މިހިނގާ އޭޕްރިލްމަހުގެ 18 ވަނަ ދުވަހު މާލޭގެ ގެއެއްގެ ފުރާޅުމަތީގައި ދިވެހި ޒުވާނަކު ވެއްޓިފައި އޮއްވައި ފެނުނު މައްސަލަ ބަލައި، އެ މައްސަލައާ ގުޅިގެން މިނިވަން، މުސްތަގިއްލު އަދި އިތުބާރު ހިފޭ ތަހުގީގެއްކޮށް، އެ ހާދިސާގެ ހަގީގަޔް ހޯދައި، އެ ހާދިސާއާ ގުޅިގެން ކަމާބެހޭ މުއައްސަސާތަކުން މިހައިތަނަށް ކޮށްފައިވާ މަސައްކަތްތަކީ ކޮބައިކަން ބެލުމަށާއި، އެ މައްސަލައާ ގުޅިގެން އަޅަންޖެހޭ ފިޔަވަޅުތައް އަޅައި، އެ މައްސަލައިގައި ކަންހިނގައިފައިވާ ގޮތުގެ ތަހުގީގެއް އިންސާފުވެރިކަމާއި އަދުލުވެރިކަމާއެކީ ކުރުމަށްކަމުގައި ރައީސުލްޖުމްހޫރިއްޔާގެ ގަރާރުގައި ބަޔާންކޮށްފައިވެ އެވެ.  

ރިޔާސީ ކޮމިޝަނަށް އިތުރު ތިން މެމްބަރަކު އައްޔަނުކުރިނަމަވެސް ކޮމިޝަނުގެ ރިޔާސަތު ބަލަހައްޓަވަނީ ޑރ.މުނައްވަރެވެ. ރިޔާސީ ކޮމިޝަނަށް 2 އަންހެން މެމްބަރުން އައްޔަނުކޮށްފައި މިވަނީ އެ ކޮމިޝަނުގައި އަންހެން މެމްބަރަކު ނެތިގެން އެކަމުގެ ޝަކުވާވެސް ކޮށްފައިވަނިކޮށްކަން ފާހަގަކޮށްލެވެއެވެ.