އެމްޖީ ސްޕޯޓްސް ކުލަބާއި ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އަދި ކުޅިވަރާއި ބެހޭ ވުޒާރާގެ އިތުރުން ނެޝަން އިސްޓިޓިއުޓް ގުޅިގެން ކ.ކާށިދޫގައި ކުރިއަށް ގެންދާ އޭއެފްސީ "ސީ" ލައިސަންސް ކޯސް ފަށައިފިއެވެ.

28 އެޕްރީލް 2025 އިން 9 މެއި 2025 ގެ ނިޔަލަށް ޖުމްލަ 30 ބައިވެރިންނާއެކު ކ.ކާށިދޫގައި ކުރިއަށް ގެންދާ މިކޯހުގައި ކިޔަވާދެއްވަނީ އޭއެފްސީ "އޭ" ލައިސަންސް ހާސިލްކޮށްފައިވާ ތަޖުރިބާކާރު ދިވެހި ދެ ކޯޗުން ކަމަށްވާ އަހުމަދު އަޒްމީ އަދި އަލީ ނިސްތާރު އެވެ.

އެމްޖީ ސްޕޯޓްސް ކުލަބުގެ ރައީސް އަލީ ޒިދާން ވޮއިސް ސްޕޯޓްސްއަށް މައުލޫމާތު ދެއްވި ގޮތުގައި އެކުލަބުގެ ފަރާތުން ކާށިދޫގައި މިފަދަ ކޯހެއް ބޭއްވުމުގެ މަޤުސަދަކީ ފުޓްބޯޅައިގެ ހުނަރުވެރި ކޯޗުންތަކެއް މިރަށުގައި ބިނާކުން ކަމަށެވެ. " އުންމީދަކީ މި ކޯހުގެ ސަބަބުން ކާށިދޫގައި ހުނަރުވެރި ފުޓްބޯޅަ ކޯޗުންތަކެއް ތަމްރީނުވެ މިރަށުގެ ޒުވާނުން ތަކަކަށް މިދާއިރާއިން ކުރިއަށް ދިއުމަށް ހުޅުވިގެންދާނެ ދޮރަކަށް މި ކޯސް ވެގެންދިއުން "...

Advertisement

އެމްޖީ ސްޕޯޓްސް ކުލަބަކީ ކާށިދޫގެ ޒުވާނުންނަށް ކުޅިވަރުގެ އެކި ދާއިރާތަކުން ކުރިއެރުން ހޯދައިދިނުމަށް ވަރަށް ހިންގުންތެރިކަމާއެކު އެރަށުގައި ހަރަކާތްތެރިވަމުން އަންނަ ކުލަބު ޖަމްއިއްޔާއެކެވެ. އެގޮތުން އެކުލަބުން މިހާރު ވެސް އަންނަނީ ކާށިދޫގައި ފުޓްބޯޅައިގެ އިތުރުން ހޭންޑްބޯޅަ އެކަޑަމީއެއް ހިންގަމުންނެވެ.