އިންޑިޔާއިން ހަދިޔާކުރި ހެލިކޮޕްޓަރު ދުއްވުމަށް ދިވެހި ޕައިލެޓުން ތަމްރީނު ކުރުމަށް ކުރީ ސަރުކާރުން ވެފައިވާ އެއްބަސްވުމުގެ ދަށުން އެއްވެސް ޕައިލެޓެެއް ތަމްރީނު ފުރިހަމަ ކޮށްފައި ނުވާ ކަމަށް ދިފާޢީ ވަޒީރު މުޙައްމަދު ޣައްސާން މައުމޫން ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ތޮއްޑޫ ދާއިރާގެ މެންބަރު ހުސައިން ސަމީރު ވަނީ، އިންޑިޔާއިން ހަދިޔާކުރި ހެލިކޮޕްޓަރާއި ޑޯނިއާ ތަމްރީނު ކުރުމަށް ވެފައިވާ އެއްބަސްވުމުގެ ދަށުން ކިތައް ޕައިލެޓުން މިހާތަނަށް ތަމްރީނު ކުރެވިފައިވާތޯ ސުވާލު ކުރައްވާފައެވެ.
އެ ސުވާލަށް ޖަވާބު ދެއްވަމުން ވަޒީރު ޣައްސާން ވިދާޅުވީ، ދިވެހި އަސްކަރިއްޔާގައި މިހާރުވެސް ތަމްރީނު ކޮށްފައިވާ ޕައިލެޓުން ތިބި ކަމަށެވެ.
އެހެން ނަމަވެސް، ތި ވިދާޅުވި، އެއްބަސްވުންތަކުގެ ދަށުން ޕައިލެޓް ތަމްރީން ފުރިހަމަ ކުރެވިފައި އެއްވެސް މީހަކަށް އަދިއެއް ނެތް.
ވަޒީރު ޣައްސާން މައުމޫން
އިންޑިއާއިން ރާއްޖެއަށް ހެލިކޮޕްޓަރު ގެނައީ 2010 ވަނަ އަހަރު އެވެ. ދެ ހެލިކޮޕްޓަރުގެ ތެރެއިން އެއް ހެލިކޮޕްޓަރު އައްޑޫގައި އޮންނަ އިރު އަނެއް ހެލިކޮޕްޓަރު ބާއްވާފައި އޮންނަނީ ލ. ގަމުގަ އެވެ.
އެ ހެލިކޮޕްޓަރުތައް އިންޑިޔާ ސިފައިން ދުއްވާތީ ފާޑުކިޔުންތައް އަމާޒުވުމުން، ނިމިދިޔަ ސަރުކާރުން ވަނީ އެ ދުއްވަން ދިވެހި އަސްކަރިއްޔާގެ ބޭފުޅުން ތަމްރީނު ކުރަމުން އަންނަ ކަމަށް ވިދާޅުވެފައެވެ.
އެހެން ނަމަވެސް، އެ ސަރުކާރު ނިމިގެންދިޔަ އިރުވެސް ހެލިކޮޕްޓަރުތައް ދުއްވަމުންދިޔައީ ބޭރުގެ ސިފައިންނެވެ.
Advertisement
This content is created and paid for by advertisers and does not involve Voice Journalists
