ވިޔަފާރި ބޭނުމަށް ވިނަރެސް އިން 4 ޔުނިޓެއް ކުއްޔަށް ދޫކުރުމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހުޅުވާލައިފިއެވެ. 

އެޗްޑީސީގެ އިޢުލާނުގައި ވާގޮތުން، ކުއްޔަށް ދޫކުރުމަށް ހަމަޖެހިފައިވާ ޔުނިޓްތަކަކީ:

• ވިނަރެސް 2 ގެ 1 ވަނަ ފަންގިފިލާގެ 05 ނަންބަރު ޔުނިޓް (755.95 އަކަފޫޓު)

• ވިނަރެސް 4 ގެ 1 ވަނަ ފަންގިފިލާގެ 06 ނަންބަރު ޔުނިޓް (1030.64 އަކަފޫޓު)

• ވިނަރެސް 6 ގެ ގްރައުންޑް ފްލޯގެ 01 ނަންބަރު ޔުނިޓް (652.51 އަކަފޫޓު)

• ވިނަރެސް 8 ގެ 1 ވަނަ ފަންގިފިލާގެ 08 ނަންބަރު ޔުނިޓް (2442.33 އަކަފޫޓު)

މި ޔުނިޓްތައް ކުއްޔަށް ހިފުމަށް ޝައުޤުވެރިވާ ފަރާތްތަކުން ޕްރޮޕޯސަލް ހުށަހެޅުމުގެ ސުންގަޑިއަކީ 2 ޖުލައި ވާ ބުދަ ދުވަހުގެ 14:00 ކަމަށް އެޗްޑީސީން ބުނެފައިވެއެވެ. އަދި ޕްރޮޕޯސަލްއާއެކު ބިޑް ސެކިއުރިޓީ ހުށަހަޅަންޖެހޭނެ ކަމަށްވެސް ބަޔާންކޮށްފައިވެއެވެ.

މި ޕްރޮޖެކްޓާ ގުޅޭ އިތުރު މަޢުލޫމާތު އެޗްޑީސީގެ ވެބްސައިޓް www.hdc.mv އަދި properties.hdc.mv އިން ލިބެން ހުންނާނެ ކަމަށް އެޗްޑީސީން މަޢުލޫމާތު ދީފައިވެއެވެ. އަދި އިތުރު މަޢުލޫމާތު ބޭނުންވާ ފަރާތްތަކަށް އެޗްޑީސީގެ ބިޒްނަސް ޑިވެލޮޕްމަންޓް އެންޑް ސޭލްސް ޑިޕާޓްމަންޓުން މަޢުލޫމާތު ސާފުކުރެވޭނެ ކަމަށްވެސް ބުނެފައިވެއެވެ.

ކުއްޔަށް ދޫކުރާ ޔުނިޓް ތަކުގައި ކުރުން މަނާ ވިޔަފާރިތައް؛

- ޖިމް ނުވަތަ ހަށިހެޔޮ ކަމާގުޅޭ ސެންޓަރު ހިންގުން

- ކާބޯތަކެތި ވިއްކުން

- ކްލިނިކް ހިންގުން