އެއާ އިންޑިއާގެ ބޯޓެއް ވެއްޓުނު ހާދިސާއާ ގުޅިގެން ހިއްސާގެ ބާޒާރުގައި ބޮއިން ކުންފުނީގެ ހިއްސާގެ އަގު ދަށަށް ހިނގައްޖެއެވެ.

ނިއުޔޯކްގެ ސްޓޮކް އެކްސްޗޭންޖުގައި އިއްޔެ ބޮއިންގެ ހިއްސާގެ އަގު 214 ޑޮލަރުގައި ހުރިއިރު، މިއަދު އެއާ އިންޑިއާ ބޯޓު ވެއްޓުމާއެކު އެކުންފުނީގެ ހިއްސާގެ އަގު ވަނީ 203 ޑޮލަރަށް ވެއްޓިފައެވެ. އެއާ އިންޑިއާ ވެއްޓުނު ބޯޓަކީ ބޮއިން ކުންފުނީގެ 787 ޑްރީމްލައިނާއެކެވެ.

މާކެޓް ދިރާސާކުރާ ފަރާތްތަކުން ބުނާގޮތުގައި ކުރިއަށް މިއޮތް ދުވަސްތަކުގައިވެސް ބޮއިން ކުންފުނީގެ ހިއްސާގެ އަގު ދާނީ ދަށްވަމުންނެވެ. މިކަމާ ގުޅޭގޮތުން ބޮއިން ކުންފުނިން އަދި ވަކި އެއްޗެކޭ ނުބުނެއެވެ.

ބޮއިން ހިއްސާގެ އަގު

އެއާ އިންޑިއާގެ ބޯޓު ވެއްޓިފައިވަނީ އިންޑިއާގެ އަހުމަދުއާބާދުން ފުރައިގެން އިނގިރޭސިވިލާތަށް ދަތުރު ކުރަނިކޮށެވެ. ބޯޓު ވެއްޓުނީ ނައްޓާލިތާ ކުޑަވަގުތުކޮޅެއްގެ ތެރޭގައެވެ. އެއާ އިންޑިއާގެ ސީއީއޯ ކެމްބަލް ވިލްސަން ވިދާޅުވީ ވެއްޓުނު ފްލައިޓުގައި 230 ފަސެންޖަރުންނާއި 12 ކުރޫއިން ހިމެނޭކަމަށެވެ. ފަސެންޖަރުންގެ ތެރޭގައި ހިމެނެނީ، އިންޑިއާއަށް ނިސްބަތްވާ 169 މީހަކާއި، އިނގިރޭސިވިލާތަށް ނިސްބަތްވާ 53 މީހަކާއި، ޕޯޗްގަލްއަށް ނިސްބަތްވާ 7 މީހުންގެ އިތުރުން ކެނެޑާ މީހެކެވެ.

ކެމްބަލް ވިދާޅުވީ މި ހާދިސާއާ ގުޅޭ މައުލޫމާތު ފަސެންޖަރުންގެ އާއިލާތަކާ އަދި ކަމާބެހޭ ތަހުގީގީ ޓީމުތަކަށް ހިއްސާކުރާނޭކަމަށެވެ. ނަމަވެސް އެކަމަށް އަދި ވަގުތު ބޭނުންވާނޭކަމަށްވެސް އޭނާ ވިދާޅުވިއެވެ.

އޭވިއޭޝަން ދާއިރާގެ އެކްސްޕާޓުން ބުނާގޮތުގައި ބޮއިން 787 ޑްރީމްލައިނާއަކީ މަތިންދާބޯޓުތަކުގެ ތެރެއިން އެންމެ އެޑްވާންސް ޓެކްނޮލޮޖީ ހިމެނޭ ސަލާމަތީގޮތުން އެންމެ ޔަގީންކަންބޮޑު އެއް އުޅަނދެވެ. އެއާ އިންޑިއާ ބޯޓު ވެއްޓުމުގެ މި ހާދިސާއަކީ ޑްރީމްލައިނާ ސީރީޒްގެ މިފަދަ ފުރަތަމަ އެކްސިޑެންޓެވެ. 

ބޮއިން ކުންފުންޏަށް ނިސްބަތްވާ އެއާ އިންޑިއާގެ ބޯޓެއް ވެއްޓިފައިވާއިރު، އެ އެއާލައިނުން ވަނީ ބޮއިން ކުންފުނީގެ 100 މަތިންދާބޯޓު ގަތުމަށް އެއް ބިލިއަން ރުފިޔާ ދައްކާފައެވެ. އެއަރ އިންޑިއާއިން އޯޑަރު ދީފައިވަނީ އޭ-350 މަރުކާގެ 10 ބޯޓާއި އޭ-320 މަރުކާގެ 90 ބޯޓު ގަތުމަށެވެ.