ހަށިވިއްކާ ކަމަށް ތުހުމަތުވާ ތައިލެންޑް އަންހެނަކު ބަރަހަނާކޮށް ހުއްޓާ ހައްޔަރު ކޮށްފިއެވެ.
ކްރިމިނަލް ކޯޓުގެ ބަންދު އަމުރުގައި ވާގޮތުން ހައްޔަރު ކޮށްފައި ވަނީ، ތައިލޭންޑް، މިސް ޕޯންނިޕާ ސުޖާ، 34އ އެވެ.
އޭނާ ހައްޔަރު ކޮށް ބަންދާމެދު ގޮތެއް ނިންމުމަށް ކޯޓަށް މިމަހު 17 ވަނަ ދުވަހު ކޯޓަށް ހާޒިރުކުރުމުން ޝަރީއަތް ނިމެންދެން ބަންދުގައި ބެހެއްޓުމަށް ކޯޓުން ވަނީ އަމުރު ކޮށްފައެވެ.
ފުލުހުން ކޯޓުގައި ބުނެފައިވާގޮތުން، އެ އަންހެން ފުލުހުންގެ ބެލުމުގެ ދަށަށް ގެންގޮސްފައި ވަނީ ބަރަހާނާ ހާލަތުގައި އިތުރު މީހަކާއި އެކު ހުއްޓައެވެ. އަދި ހަށި ވިއްކާ ކަމަށް ތުހުމަތުކުރެވޭ އިތުރު ކަންކަން ތަހުގީގަށް ހޯދިފައިވާ ކަމަށްވެސް ބުންޏެވެ.
ޕްރިސެކިޔުޝަންއާ ހަވާލާދީ ބަންދު އަމުރުގައި ވާގޮތުން މީނާގެ މައްޗަށް ތުހުމަތުކުރެވޭ ކުށަކީ އިންތިޒާމުވެގެން، ބޮޑު ނެޓު ވޯކެއްގެ ތެރެއިން ގުޅިގެން ހިންގަމުންދާ ކުށްތަކެއްކަމަށް ތަހުގީގަށް ވަނީ ފާހަގަ ކުރެވިފައެވެ.
އަދި މައްސަލަ އާއި ގުޅިގެން އިތުރު ތަހުގީގުތަކެއް މިހާރުވެސް ކުރިއަށް ގެންދާ ކަމަށް ބުނެފައިވެއެވެ.
Advertisement
This content is created and paid for by advertisers and does not involve Voice Journalists
