ހައުސިންގ ޑިވެލޮޕްމެންޓް ކޯޕަރޭޝަން އެޗްޑީސީ އިން އެކުންފުނީގެ މުވައްޒަފުންގެ ސަލާމަތާއި ރައްކާތެރިކަމަށް އަޅަންޖެހޭ ފިޔަވަޅުތަކަށް އަހުލުވެރިކުރުމުގެ ގޮތުން ފަޔަރ ސޭފްޓީ އިވެކުއޭޝަން ޑްރިލްއެއް ކުރިއަށް ގެންދިއުމަށް ނިންމާފައިވާ ކަމަށް އެކުންފުނިން ބުނެފިއެވެ.
އެކުންފުނިން ބުނެފައިވަނީ މި ޑްރިލް އެކުންފުނީގެ މައި އިދާރާގައި މިއަދު ކުރިއަށް ދާނެކަމަށެވެ.
މި ޑްރިލް ކުރިއަށް ގެންދިއުމުގެ މައިގަނޑު އެއްމަގުސަދަކީ ކުންފުނީގެ ސަލާމަތީ މިންގަނޑުތަށް ހަރުދަނާކޮށް، ކުއްލި ހާލަތެއްގައި ތައްޔާރަށް ތިބުމުގެ ގޮތުން ކުރިއަށް ގެންދެވޭ ޑްރިލްއެއްކަމަށް އެ ކުންފުނިން ވަނީ ބުނެފައެވެ. އަދި މީގެ ސަބަބުން އެއްވެސް ނުރައްކަލެއް ކުރިމަތި ނުވާނެކަމުގެ ޔަގީންކަންވެސް އެކުންފުނިން ވަނީ ދީފައެވެ.
އެކުންފުނިން ޚިދުމަތް ހޯދާ ފަރާތްތަކަށް މިވަގުތު ދިމާވެދާނެ ދަތިތަކަށް އެކުންފުނިންވަނީ މައާފަށް އެދިފައެވެ. އަދި ހަމައެހެންމެ މިފަދަ ކަންކަމުގައި އާންމުންގެ ފަރާތުން އެކުންފުންޏަށް ދޭ އެއްބާރުލުމަށް އެކުންފުނިން ވަނީ ޝުކުރުވެސް އަދާކޮށްފައެވެ.
Advertisement
This content is created and paid for by advertisers and does not involve Voice Journalists
