އުރީދޫ ފަން ރަން މާދަމާ އައްޑޫގައި
އުރީދޫ މޯލްޑިވްސް އިން އިންތިޒާމުކޮށްގެން ކޮންމެ އަހަރަކު ބާއްވަމުންއަންނަ ފަން ރަން ބޭއްވުމުގެ އެންމެފަހުގެ ތައްޔާރީތައްވެއްޖެއެވެ.
މިއަހަރު އުރީދޫ މޯލްޑިވްސްގެ ފަން ރަން ބޭއްވުމަށް ހަމަޖެހިފައިވަނީ އައްޑޫ ސިޓީގައެވެ. އެގޮތުން މާދަމާ މި އިވެންޓް ފެށުމަށް ހަމަޖެހިފައިވާއިރު އިވެންޓަށް ވާން ޖެހޭ ހުރިހާ ތައްޔާރީތަކެއްވެ މިހާރު ވަނީ ނިމިފައެވެ. ފަން ރަން އާއި ގުޅޭ އިންތިޒާމުތައް ހަމަޖައްސާފައި ވަނީ މަރަދު ބަނދަރު މަތީގައިކަން ފާހަގަކޮށްލަން ޖެހެއެވެ.
އުރީދޫ މޯލްޑިވްސްގެ ފަން ރަން މާދަމާ ބޭއްވުމަށް ހަމަޖެހިފައިވާތީ 27 ޖޫން 2025 ވަނަ ދުވަހު މާދަމާ އައްޑޫ ސިޓީގެ ބައެއް މަގުތަށް ބަންދުކުރުމަށްވެސް ނިންމައިފައެވެ.
އުރީދޫއިން ބުނެފައިވާ ގޮތުގައި މާދަމާ ބޭއްވުމަށް ހަމަޖެހިފައިވާ ފަން ރަންގައި ގިނަ އަދަދެއްގެ ބަޔަކު ބައިވެރިވާނެއެވެ. އެގޮތުން އައްޑޫންނާއި ރާއްޖޭގެ ހިސާބުތަކުން ފަން ރަންގައި ގިނަ ބަޔަކު ބައިވެރިވާނެކަމަށް އުރީދޫއިން ވަނީ ބުނެފައެވެ.
ފާހަގަކޮށްލަންޖެހޭ ގޮތުގައި އުރީދޫ ފަން ރަން އަކީ ރާއްޖޭގައި ދިރިއުޅޭ ހުރިހާ ފަރާތްތަކަށް އަމާޒުކޮށްގެން ކުރިއަށްގެންދާ އިވެންޓެކެވެ.
Advertisement
This content is created and paid for by advertisers and does not involve Voice Journalists
