އިސްލާމިކް މިނިސްޓަރު ޑރ. މުޙައްމަދު ޝަހީމްއާ ގުޅޭ "ނުބައި" ޕޯސްޓެއް ޝެއާ ކުރެވުނު ގޮތް ބަލަމުންދާ ކަމަށް ސިޓީސް މިނިސްޓަރު އާދަމް ޝަރީފް އުމަރު ވިދާޅުވެއްޖެ އެވެ.
ޝަހީމްއާ ގުޅޭ ވިޔާނުދާ ވާހަކަތަކަކާއި ބޮޑެތި ތުހުމަތުތަކެއް ކޮށްފައިވާ ޕޯސްޓެއް އާދަމްގެ ޕާސަނަލް އެކައުންޓުން ވަނީ ޝެއާ ކޮށްފަ އެވެ. އެއީ އާދަމްގެ އެކައުންޓް ކަން ވަނީ ޔަގީން ކޮށްދީފަ އެވެ.
އެކަމާއި ގުޅިގެން އާންމުންގެ ގިނަަ ބަަޔަކު ސުވާލު އުފެއްދުމުން މިނިސްޓަރު އާދަމް ވަނީ ފޭސްބުކްގައި ޕޯސްޓެއް ކުރައްވާފަ އެވެ. ވިދާޅުވީ މިނިސްޓަރު ޝަހީމަކީ ވަރަށް އިހްތިރާމް ކުރާ ދީނީ އިލްމުވެރިއެއް ކަމަށެވެ. އަދި އެއީ ދައުލަަތަށް ގިނަގުނަ ހިދުމަތްތަކެއް ކުރައްވަމުން ގެންދަވާ އިހްލާސްތެރި ހާދިމެއް ކަމަށެވެ.
މިނިސްޓަރު ޝަހީމަކީ އޭނާގެ އެކުވެރި އަދި ވަރަށް ރަހްމަތެރި ބޭފުޅެއް ކަމަށްވެސް ވިދާޅުވި އެވެ.
"އެމަނިކުފާނާއި ބެހޭ ގޮތުން އަޅުގަނޑު ގަބޫލުނުކުރާ އެއްޗެއް އަޅުގަނޑުގެ ފޭސްބުކް ޕޭޖުގައި ހިއްސާ ކުރެވުނީ ކިހިނެތްތޯ މި ދަނީ ބަލަމުން," އާދަމްގެ ފޭސްބުކް ޕޯސްޓްގައި ވިދާޅުވެފައިވެ އެވެ.
Advertisement
This content is created and paid for by advertisers and does not involve Voice Journalists
