ހއ އަތޮޅުން ފެށިގެން ކ.އަތޮޅާ ހަަމަޔަށް މޫސުން ވަރަށް ގޯސްވާނޭކަމަށް ލަފާކޮށް މޫސުމާ ބެހޭ ޤައުމީ އިދާރާއިން ޔެލޯ އެލާޓް ނެރެފިއެވެ.
ހއ އަތޮޅުން ކ.އަތޮޅަށް ޔެލޯ އެލާޓް ނެރެފައިވަނީ، ހެނދުނު 07:30 އިން ފެށިގެން މެންދުރުފަހު 01:30 ހާ ހަމަޔަށެވެ. މެޓް އޮފީހުން ބުނެފައިވަނީ ޔެލޯ އެލާޓް ނެރެފައިވާ ސަރަހަށްދަށް ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައިޖެހޭނޭކަމަށާއި، ވިލާގަނޑުގައި ގަޑިއަކު 50 މޭލު ބާރުމިނުގައި ވައިޖެހޭނޭކަމަށެވެ. އެގޮތުން ކަނޑުތައް ވަރަށް ގަދަވާނޭކަމަށް މެޓް އޮފީހުން ވަނީ ލަފާކޮށްފައެވެ.
މެޓް އޮފީހުން ވަނީ ހެނދުނު 07:30 ހުން ފެށިގެން މެދުންދުރު 13:30 ހުގެ ނިޔަލަށް އއ އަތޮޅުން ފެށިގެން ލ އަތޮޅާ ހިސާބަށް ވައިޓް އެލާޓްވެސް ނެރެފައެވެ. ވައިޓް އެލާޓް ނެރެފައިވާ ސަރަހައްދަށް އެވަގުތުތަކުގައި ގަޑިއަކު 19 މޭލާ 24 މޭލަށް ވައިގަދަވާއިރު، ވިލާގަނޑުގައި 45 މޭލަށް ވައިގަދަވެ ކަނޑުތައް ގަދަވާނޭކަމަށް މެޓް އޮފީހުން ވަނީ ލަފާކޮށްފައެވެ.
މިދުވަސްވަރަކީ މޫސުން ގޯސްދުވަސްވަރެއްކަމުން މޫސުމާ ބެހޭ އެންމެފަހުގެ މައުލޫމާތު ހޯދާފައިނޫނީ ދަތުރަށް ނުފެށުމަށް ކަމާބެހޭ އިދާރާތަކުން ވަނީ އިލްތިމާސްކޮށްފައެވެ.
Advertisement
This content is created and paid for by advertisers and does not involve Voice Journalists
