ސުމޭކު ވަސީލަތްތަކަށް ހޭލުންތެރި އިސްރަށްވެހިން' ބިނާކުރުމުގެ މަޤްޞަދުގައި، އިޖްތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ މުވައްޒަފުންނަށް އަމާޒުކޮށްގެން ޓްރެއިނަރުން ތަމްރީނުކުރުމުގެ (ޓީ.އޯ.ޓީ) ޕްރޮގްރާމެއް ކުރިއަށްގެންގޮސްފިއެވެ.
އިޖުތިމާއީ އަދި އާއިލީ ތަރައްޤީއާ ބެހޭ ވުޒާރާއިން ބުނީ، މޯލްޑިވްސް ޕެންޝަން އެޑްމިނިސްޓްރޭޝަން އޮފީހުގެ ބައިވެރިވުމާއެކު ކުރިއަށްގެންދިޔަ މި ތަމްރީނު ޕްރޮގްރާމުގެ މައިގަނޑު މަޤްޞަދަކީ، އިސްރަށްވެހިންނަށް ޒަމާނީ ވަސީލަތްތައް ބޭނުންކޮށްގެން މުޢާމަލާތްކުރުމަށް އެހީތެރިވެދޭނެ ފަރާތްތަކެއް ބިނާކުރުންކަމަށެވެ. މި ތަމްރީނު ޕްރޮގްރާމު، 14 ބައިވެރިއަކު ވަނީ ފުރިހަމަކޮށްފައެވެ.
މި ޕްރޮގްރާމުގެ ތެރެއިން، ޒަމާނާއެކު މުވާސަލާތުކުރުމަށް އައިސްފައިވާ ބަދަލުތަކާއި، އިންޓަރނެޓާއި ސްމާޓްފޯނު ފަދަ ޒަމާނީ ވަސީލަތްތަކުން ލިބޭ ފަސޭހަތަކުގެ ބޭނުން ހިފާނެ ގޮތްތަކާ ގުޅޭގޮތުން، އިސްރަށްވެހިންނަށް މަޢުލޫމާތު ފޯރުކޮށްދެވިދާނެ މުހިންމު ކަންކަން ބައިވެރިންނަށް ވަނީ ދަސްކޮށްދީފައެވެ.
ތަމްރީނު ޕްރޮގްރާމްގެ ތެރެއިން... ފޮޓޯ: އާއިލީ ވުޒާރާ
'ސުމޭކު ވަސީލަތްތަކަށް ހޭލުންތެރި އިސްރަށްވެހިން' ބިނާކުރުމަށްޓަކައި، ޕެންޝަން އޮފީހާއި އިޖްތިމާޢީ އަދި ޢާއިލީ ތަރައްޤީއާ ބެހޭ ވުޒާރާ ގުޅިގެން އިސްރަށްވެހިންގެ ނާދީގައި މިހާރުވެސް ސިލްސިލާކޮށް ސެޝަންތައް ކުރިއަށް ގެންދާކަމަށް އެ ވުޒާރާއިން ބުނެއެވެ.
މި ތަމްރީނު ޕްރޮގްރާމުގެ ތެރެއިން ބައިވެރިންނަށް ހިއްސާކުރެވުނު މަޢުލޫމާތުގެ އަލީގައި، މާލެ އާއި އަތޮޅުތެރޭގައިވެސް އިސްރަށްވެހިންނަށް އަމާޒުކޮށްގެން ހޭލުންތެރިކުރުމުގެ ޕްރޮގްރާމުތައް ހިންގުމުގެ ޤާބިލުކަން ލިބިގެންދާނެއެވެ.
ތަމްރީނު ޕްރޮގްރާމްގެ ތެރެއިން... ފޮޓޯ: އާއިލީ ވުޒާރާ
ހަމައެއާއެކު، ސްމާޓްފޯނު ބޭނުންކުރާނެ ގޮތްތަކާއި، އިންޓަރނެޓް އަދި މުވާސަލާތުކުރުމުގެ އެކި އެޕްލިކޭޝަންތައް ބޭނުންކޮށްގެން މުޢާމަލާތުކުރާނެ ގޮތްތައް މި ތަމްރީން ޕްރޮގްރާމުގެ ތެރެއިން ބައިވެރިންނަށް ވަނީ ކިޔައިދީފައެވެ.
މީގެ އިތުރުން، ދިވެހިން ޓައިޕްކުރާނެ ގޮތްތަކާއި، ސްމާޓްފޯނު ފަސޭހައިން ބޭނުންކުރުމަށް ފޯނުގެ ސެޓިންގްސް ހަދާނެ ގޮތްތަކުގެ އިތުރުން، ސްމާޓްފޯނު ބޭނުންކޮށްގެން ފައިސާގެ މުޢާމަލާތްތައް ކުރާނެ ގޮތްތަކާއި، ސްމާޓްފޯނާއި އިންޓަރނެޓް ބޭނުންކޮށްގެން ޚަބަރާއި މަޢުލޫމާތު ހޯދާނެ ފަސޭހަ ގޮތްތަކަށް އިސްރަށްވެހިން އަހުލުވެރިކުރުމަށް ބޭނުންކުރެވިދާނެ އުކުޅުތައްވެސް މި ތަމްރީނު ޕްރޮގްރާމުން ދަސްކޮށްދީފައިވެއެވެ.
Advertisement
This content is created and paid for by advertisers and does not involve Voice Journalists
